1 prilli/ Imami Karaj: Gënjeshtarët më të këqij janë njerëzit e fesë dhe politikanët

Imami Elton Karaj thotë se edhe në botën islame në tërësi, gënjeshtra ka pasur aplikim, por kur gënjeshtra është e dobishme dhe jo e dëmshme.

Në emisionin “Zgjohu me MCN”, ai deklaroi se kur kalohet në gënjeshtra shumë të ekzagjeruara, kjo është rreptësisht e ndaluar dhe duhet qëndruar larg.

Gënjeshtra është një nga mëkatet më të mëdha dhe kjo pastaj në bazë të nivelit. Për gënjeshtrat e bardha, këshilla është nëse do bësh shaka me personat, nuk mund të ndalojmë.

Se nëse ndalojmë edhe shakanë, do të thotë që t’i ndalojmë njeriut edhe të qeshur.

Gënjeshtarët më të këqij sipas meje janë njerëzit e fesë dhe politikanët, se këta janë personalitetet që sigurojnë besueshmëri tek të tjerët.

Nëse një imam, hoxhë apo një përfaqësues tjetër i së vërtetës fetare, nëse hyn në kategorinë e gënjeshtrave qofshin dhe me shaka këto, kjo sa vjen dhe rëndohet.

Gënjeshtrat e thëna në publik nga persona që duhet të japin siguri në fjalët që shprehin, kjo ka një përgjegjësi të madhe nga ana fetare dhe duhet bërë kujdes patjetër.

/MCN