Lulzim Basha i kooalicionit Demokratët Eurotlantik ka folur lidhur me listat, koalicionet dhe 11 majin e zgjedhjeve parlamentare që na presin.

Basha thekson se betejën për PD do e kalojë deri në Strasburg si çështje.

“Do ta vazhdojmë betejën ligjore për PD, deri në fund, deri në Strasburg, por nuk do të lejojmë që kulisat e kësaj betejë të pengojnë praninë tonë në zgjedhjet parlamentare, dhe forma që kemi zgjedhur është adoptimi i një prej partive të kooalicionit në një format të kontrolluar nga demokratët euroatlantik me anë të të  cilit do mundësojmë pjesën administrative të procesit. Pjesa e ofertës politike mbetet ajo që kemi thënë: Demokratët euroatlantik përmes kooalicionit atlantik do ti ofrojnë shqiptarëve në këto zgjedhje të vetmen ofertë, atë për ndryshim”, tha Basha për Euronews Albania.

Ndërkaq ai ka dhënë dhe arsyen pse nuk qëndron vetë Basha kryetar i Demokratëve Euroatlantikë për zgjedhjet e 11 majit, por qëndron Endri Hasa.

“Hasa u zgjodh kryetar partie dhe jo unë personalisht sepse në kontekstin juridik që kemi, unë vazhdoj të përfaqësoj PD-në, dhe do të kërkoj në emër të PD legjitimitetin e mohuar më datë 11 qershor, do ta vazhdoj si betejë”, shtoi Lulzim Basha.