“Rosaku i shëmtuar” e quan veten Nevina Shtylla në këtë foto të 22 viteve më parë. Ishte koha kur këngëtari Klajdi Musabelliu dhe kolegia e tij e “Etheve të së premtes mbrëma”, Tergita Gusta, vizitonin shkollën fillore dhe mësuesen e këngëtarit. 

“Këto fotot e mia të kësaj moshe nuk ekzistojnë asgjëkundi, hera e parë që dalin“, – tregon Nevina duke shpjeguar edhe historinë e kësaj fotoje të shumë viteve më parë: “Është viti 2003, sepse është e treta B me mësuese Shigjetën, që e kemi pasur të përbashkët. Klajdi me Tergitën kanë qenë në “Ethet e së premtes” dhe ishin superpopullorë në atë moment. Kanë ardhur dhe na kanë vizituar në klasë dhe kemi pasur edhe ca foto, kujtime shumë të bukura. Kështu që e kishim një VIP atëherë që vinte na vizitonte…”, – e mbylli Nevina.

Klajdi, nga ana tjetër, tha se nuk e mbante mend fare këtë foto, por kujton, pa diskutim, zyshën e përbashkët me Nevinën, e cila ishte jo vetëm mësuese, por një njeri shumë më i afërt për ta.