E ftuar në emisionin Dekalog në DritareTv nga gazetari Roland Qafoku, Luarasi foli për emigrimin e shqiptarëve.

Luarasi shprehte se peshën e fajit për këtë largim nuk e ka qeveria por situata politike e opozitës, e cila nuk iu ushqen shpresë popullit që do të arrin të fitojnë pushtetin.

“Le të krijojmë një situatë imagjinare, sikur unë jam një qytetare me bindje të djathta. Pse vendos unë të largohem bashkë me familjen time? Sepse po shikoj situatën politike në vend, ku partia të cilën unë votoj dhe mbështes nuk ka asnjë shpresë të marrë pushtetin dhe të qeverisë vendin. Sigurisht, ka persona që vendosin të largohen edhe sepse janë të pakënaqur nga qeveria në pushtet. Arsyeja tjetër është që nuk shohin asnjë dritë shprese tek partia tjetër që të sjellë një rotacion politik. Jeta e gjithsecilit është shumë e lidhur nga ana ekonomike, por edhe nga politika qeverisëse. Por duhet theksuar që në këndvështrimin tim, politikat qeverisëse janë në rrugën e duhur për rikthimin e shqiptarëve. Një nga këto është fakti që po ndodhin shumë takime me emigrantët, po krijohen lehtësira për emigrantët dhe u bëhen thirrje të vazhdueshme që të kthehen. Nuk them që është e mjaftueshme dhe më e mira, por janë në rrugën e duhur.”- tha Luarasi