“La Palma”: Seriali i ri në Netflix që po thyen rekorde shikueshmërie

Shikuesit besnikë të Netflix janë shumë të emocionuar për serialin e ri “La Palma”, i cili përshkruhet nga shumë njerëz si “një serial që të mban gozhduar pas ekranit”. Që nga publikimi në Netflix në Mbretërinë e Bashkuar javën e kaluar, seriali është ngjitur shpejt në “top 10” të programeve më të ndjekura të platformës. Aktualisht është në vendin e tretë, pas thrillerit ‘Black Doves’ dhe komedisë së zezë ‘No Good Deed’.

Seriali “La Palma” është një minidramë norvegjeze që ndjek historinë e një familjeje që vendos të bëjë pushime në Ishujt Kanarie. Kur ajo mbërrin në hotelin e saj të preferuar në ishullin La Palma, familja bëhet e vetëdijshme për një rrezik që fshihet nën imazhin idilik.

Një shkencëtare e re norvegjeze zbulon fakte shqetësuese për vullkanin në qendër të ishullit. Ajo duhet të bindë kolegët e saj se skenari më i keq do të ndodhë. Nëse vullkani shpërthen, një masë me madhësinë e Manhatanit mund të bie në det dhe të shkaktojë cunamin më të madh që bota ka parë ndonjëherë. Megjithëse ishulli La Palma në Ishujt Kanarie dhe vullkani Cumbre Vieja janë të vërteta, seriali është thjesht imagjinar. Vullkani shpërtheu për herë të fundit në vitin 2021, por ngjarjet e serialit nuk bazohen në këtë incident.

Në një postim të bërë në grupin e Facebook ‘Netflix Bangers’, i cili ka grumbulluar mbi tre milionë anëtarë, dikush tha se seriali “duhet parë” nëse keni një llogari në platformën e transmetimit.

Reagimet nga anëtarët e tjerë të grupit ishin të ngjashme.

“Sapo e pashë dhe e shijova,” shkroi një i dytë, ndërsa një i tretë shënoi “Sapo e përfundoi. Serial i mirë.”

Një tjetër komentoi me humor: “Serial i bukur. Mos e shihni nëse shkoni me pushime në Ishujt Kanarie”. Një tjetër shtoi: “Në përgjithësi ia vlen të shikohet.”

Shikoni trailerin: