Zonja e Parë braziliane Janja Lula da Silva e thirri publikisht pronarin e X, Elon Musk gjatë një takimi të G20-ës në Brazil. Vendi pret samitin e grupit.

Ndërsa fliste, Zonja e Parë u ndërpre nga një bori anijeje, duke e shtyrë atë të thoshte: “Është Elon Musk”, përpara se të shtonte: “Unë nuk kam frikë nga ty, fu*k Elon Musk”.

Musk reagoi në X me emoji duke qeshur dhe komentoi: “Ata do i humbasin zgjedhjet e ardhshme”.

Incidenti nxjerr në pah debatin e vijueshëm mbi dezinformimin në platformat e mediave sociale.

Presidenti brazilian Luiz Inacio Lula da Silva ka kritikuar platformën e Musk për politikat e saj në lidhje me këtë çështje, duke thënë: “Ne nuk mund të lejojmë asnjë platformë të minojë demokracinë dhe të drejtat e qytetarëve tanë”.

Vërejtjet e gruas së tij shkaktuan reagime nga figurat e opozitës braziliane, përfshirë ish-presidentin Jair Bolsonaro, i cili paralajmëroi se komentet e saj mund të çonin në përplasje diplomatike për administratën aktuale.

Në tetor, gjyqtari i Gjykatës së Lartë të Brazilit, Alexandre de Moraes autorizoi rivendosjen e platformës së mediave sociale X në vend, më shumë se një muaj pas mbylljes së saj.

Shërbimi u bllokua më 30 gusht për shkak të një mosmarrëveshjeje mbi lirinë e fjalës, llogaritë e ekstremit të djathtë dhe keqinformimin.

Musk e quajti de Moraes një autoritar dhe censurues. Në fund, X u pajtua me kërkesat e de Moraes, të cilat përfshinin bllokimin e llogarive specifike, pagimin e gjobave dhe emërimin e një përfaqësuesi ligjor në Brazil, një kërkesë që kishte çuar në pezullimin e X.