Hillary Clinton ka folur siç nuk bën shpesh për një nga periudhat më të vështira të jetës së saj personale. Ka treguar për krizën e saj martesore dhe pse e fali tradhtinë.

“Askush nuk e di se çfarë ndodh në një martesë, përveç dy njerëzve që janë në të. Dhe çdo martesë që unë njoh ka uljet dhe ngritjet e saj, për fat jo publike. Ju duhet të merrni vendime që janë të duhurat për ju, dhe unë nuk do guxoja t’i thoja askujt të qëndrojë i martuar apo të ndahet”, tha Clinton.

Ajo tregoi se bashkë me Bill janë të lumtur që i ndajnë ditët bashkë.

“Mëngjesin e nisim duke luajtur lojëra drejtshkrimore në shtrat. Dhe Bill është një lojtar kaq i mirë, ai fiton pothuajse gjithmonë. Jemi të lumtur për 50 vitet që kemi kaluar bashkë. Është mirë për ne që jemi bashkë dhe ky është mesazhi im”, tha Hillary.

Martesa e tyre u trondit në kohën kur Bill Clinton ishte president pas skandalit të zbulimit të lidhjes së tij të dashurisë me Monica Lewinsky, në atë kohë punonjëse e Shtëpisë së Bardhë.