11 filma dhe seriale që nuk duhet t’i humbësh në shtator

Shtatori vjen me disa super prurje në kinema dhe më poshtë, do të gjesh listën me 11 tituj që ia vlen t’i shohësh.

“Apollo 13: Survival”

Publikohet më 5 shtator në Netflix

Në prill të vitit 1970, një problem ndodhi në anijen kozmike “Apollo 13” të NASA-s. Në serial do të rrëfehet historia e pabesueshme e tre astronautëve që u kthyen në Tokë, përmes historive të detajuara nga këndvështrimi dhe përvoja e vetë astronautëve, intervistat me familjarët dhe kontrollorët e misionit. Në këtë dokumentar do të përdoret një kombinim i arkivave të audiove, pamjeve filmike, intervistat e mëvonshme dhe pamje të reja të kabinës së misionit.

“Beetlejuice Beetlejuice”

Publikohet më 6 shtator

Kanë kaluar 36 vite që kinemaja pa “Beetlejuice Beetlejuice”, kryeveprën e Tim Burton. Që atëherë, Beetlejuice është shfaqur në qindra video lojëra, ka një seri televizive të animuar dhe frymëzon veshje të shumta për Halloëeen, por, ja që do të rikthehet sërish, për t’i dhënë botës një vazhdim interesant. Me një kast fantastik si Monica Bellucci, Jenna Ortega, Winona Ryder dhe Catherine O’Hara, filmi pritet të ketë një sukses të jashtëzakonshëm.

“The Front Room”

Publikohet më 6 shtator

Robert Eggers është një nga emrat më të nderuar në horrorin bashkëkohor, falë dramave të tilla shqetësuese. “The Front Room” tregon historinë e një gruaje shtatzënë, e cila shpreson që ajo dhe i shoqi të marrin ca para nga njerka e tij e moshuar dhe shëndetlig. Ata e ftojnë njerkën që të jetojë me ta, por nuk e dinë se mysafirja e re është një fanatike fetare dhe raciste. Ka shumë gjasa që njerka shëndetlig të jetë shumë më e ligë dhe më e rrezikshme sa ata mendojnë.

“His Three Daughters”

Publikohet më 6 shtator

Drama komike dhe e mprehtë e Azazel Jacobs është vlerësuar shumë në Rotten Tomatoes. Carrie Coon nga “The Leftovers”, Elizbath Olsen dhe Natasha Lyonne, do të luajnë rolet e 3 motrave që nuk kanë ndonjë marrëdhënie shumë të mirë me njëra-tjetrën. Ato detyrohen të bëhen bashkë në Neë York për t’u kujdesur për babain e tyre, i cili vuan nga një sëmundje e pashërueshme. Kjo histori përshkruhet si një rrëfenjë e errët, qesharake, e pashërueshme, e cila përballet me shëmtinë e pikëllimit dhe ofron një fund të lumtur, të paktën aq sa mund të sjellë një vdekje shkatërruese.

“Speak No Evil”

Publikohet më 13 shtator

Mackenzie Davis dhe Scoot McNairy do të bashkojnë forcat për të na rrëfyer historinë e një çifti amerikan, të cilët gjatë udhëtimit në Europë miqësohen me një çift britanik, të luajtur nga McAvoy dhe Aisling Franciosi. Amerikanët pranojnë ftesën e çiftit britanik për të qëndruar në vilën e tyre larg qytetërimit dhe ndonëse në dukje, çifti britanik duket shumë i sjellshëm, në fakt, situata bëhet shumë frikësuese.  

“Lee”

Publikohet më 13 shtator

Lee Miller u lavdërua si një modele dhe muzë e Picasso-s e Man Ray-t. Ajo gjithashtu u adhurua nga një fotograf në Luftën e Dytë Botërore, ndaj i biri i saj, shkroi një biografi për jetën kaq interesante të së ëmës. Tanimë, biografia është kthyer në një film dhe na beso, tregon gjithçka, përpos historisë së një gruaje të bukur.

“The Substance”

Publikohet më 19 shtator

Ky është një film që ndërthur satirën me horrorin. “The Substance” rikthen Demi Moore dhe sjell në formë parodike guximin e Elisabeth Sparkle, një aktore e Hollyëood. Kur shefi i saj seksist (Dennis Quaid) e shkarkon që të punësojë një prezantuese më të re në moshë, Elisabeth paguan një kompani për të prodhuar një klon të vetes, fiks siç ishte në të 20-tat e saj. Por, shpejt, ngjarjet marrin një tjetër rrjedhë, të frikshme dhe të mistershme.

“Wolfs”

Publikohet më 20 shtator

“Wolfs” rikthen në një film Brad Pitt dhe George Clooney. Në këtë film, Clooney luan rolin e një mercenari joshës, i specializuar për të pastruar skenat e tmerrshme të krimit, para se ato të kuptohen nga autoritetet. Mercenarit i pëlqen të mendojë se është kualifikuar në mënyrë unike, për të bërë një punë kaq specifike. Nga ana tjetër, Pitt, është një burrë i rezervuar, një “ujk i vetmuar”, i cili bën të njëjtën punë si Clooney. Të dy ata detyrohen të bashkohen dhe sigurisht, gjërat marrin rrjedha të tjera.

“The Goldman Case”

Publikohet më 20 shtator

Kjo është një epokë e artë e dramave franceze që zhvillohen në salla gjyqi. Nisi me “Anatomy of a Fall” dhe me “Saint Omer”, për të vijuar me “The Goldman Case”, një film që rrëfen historinë e Pierre Goldman, militant i së majtës ekstreme, i dënuar për vrasje të dyfishtë në vitin 1974. Një vit më vonë, Goldman (Arieh Worthalter) u kthye sërish në gjykatë për të apeluar dënimin, por këtë herë, gjyqi është një fushatë kundër racizmit, antisemitizmit e korrupsionit të shtetit.

“The Wild Robot”

Publikohet më 27 shtator

Filmi vizatimor fantastiko-shkencor zë vend në hapësirë, në një territor mahnitës, të gjelbëruar. Përshtatur nga librat për fëmijë me autor të Peter Brown, roboti tregon historinë e Roz, një robot, të cilit i është mbytur anija në një ishull të pabanuar, i cili detyrohet të mësojë jetën pa teknologji dhe përjeton mijëra emocione.

“Megalopolis”

Publikohet më 27 shtator

Saga filozofike e fantastiko-shkencore e Francis Ford Coppola po vihet në jetë! Intriga të shumta në një arkitekturë fantastike në “Romën e Re”, si dhe kasti mbresëlënës me Aubrey Plaza, Adam Driver, Shia LaBeouf, do të krijojë një ndër filmat më të mirë të vitit, të paktën kështu shpresojnë adhuruesit e filmave.