Sport
Pse Harry Kane është lojtari më i pafat në botë?
Harry Kane
Një tjetër kompeticion dhe një tjetër zhgënjim për Harry Kane. Qoftë në klub apo në kombëtare, sulmuesi nuk arrin të fitojë gralin e shenjtë…
Është gati 31 vjeç, më shumë se 400 gola në karrierë, një ndër qendërsulmuesit më të mirë të botës, por Harry Kane duket se ndiqet nga një mallkim i vërtetë.
Edhe pse ishte golashënuesi vrastar i Tottenham, ai nuk mundi ta fitonte kampionatin anglez me këtë skuadër.
Për këtë arsye me shumë dëshirë anglezi iu bashkua Bayern Munich në verën e vitit 2023, klub që deri atëherë vijonte të fitonte kampionatin gjerman.
Por në sezonin e parë të tij në Bundesliga me ekipin e rekordeve, Kane nuk e shijoi titullin kampion.
Përtej kampionateve të humbura, Harry Kane ka luajtur në pesë finale: Champions League 2019, Cup League në 2021, Europianin e 2021, Super Cup 2023 dhe finalen e Euro 2024.
Duhet theksuar edhe zhgënjimi në gjysmëfinalen e Kupës së Botës 2018, veçanërisht pasi Harry Kane përfundoi golashënuesi më i mirë në kompeticion.
