Historiku i atij që sot quhet Imperial College London, i renditur si universiteti më i mirë i Europës, daton në vitin 1845 me Kolegjin Mbretëror të Shkencave, themeluar nga Princi Albert dhe bashkëshortja e tij Mbretëresha Viktoria. Kampusi i tij kryesor ndodhet në South Kensington (Westminster), dhe shkolla e tij mjekësore është e lidhur me disa spitale mësimore në Londër.

Për herë të parë Kolegji Imperial i Londrës rrëzoi Universitetin e Oksfordit dhe atë të Kembrixhit nga pozicionet e tyre të para në renditjen globale, duke u bërë i pari jo vetëm në Britaninë e Madhe, por edhe në Europë.

Sipas renditjes së universiteteve botërore QS për vitin 2025, Imperial College London, i përqendruar në shkencë, inxhinieri, mjekësi dhe biznes, është gjithashtu i dyti në botë pas Masachusetts Institute of Technology(MIT).

Renditja e kryer këtë vit nga QS World, në edicionin e saj të 21-të, është më e madhja e kryer ndonjëherë, duke paraqitur mbi 1500 universitete. Shtetet e Bashkuara janë vendi ose territori më i përfaqësuar, me 197 institucione të renditura, e ndjekur nga Mbretëria e Bashkuar me 90 dhe Kina kontinentale me 71.

Për të 13-tin vit radhazi, Masachusetts Institute of Technology (MIT) ruajti mbretërimin. Imperial College London kërceu me katër vende për të zënë vendin e dytë dhe Universiteti i Oksfordit dhe Universiteti i Harvardit janë përkatësisht në vendin e tretë dhe të katërt. Universiteti i Kembrixhit përfundon pesëshen e parë.

Renditja e universiteteve u bazua në analizën e miliona punimeve akademike dhe opinioneve të ekspertëve. Metrikat e përdorura për renditjen përfshinin fushat e mëposhtme: reputacionin akademik dhe të punëdhënësit; raportin fakultet-student; citimet për fakultet; raportin e fakultetit me ndërkombëtarizimin; raportin e studentëve ndërkombëtarë; rrjetin ndërkombëtar të kërkimit; rezultatet e punësimit dhe qëndrueshmërinë.

Ndërsa Shtetet e Bashkuara ishin vendi më i përfaqësuar këtë vit, edhe Europa arriti një sukses të jashtëzakonshëm. Institucionet europiane, kryesisht në Mbretërinë e Bashkuar, pretenduan gjysmën e 10 pozicioneve të para.

Universitetet më të mira në Europë

Bazuar në renditjen, disa nga universitetet më të mira në Europë në 2025 përfshijnë Imperial College të Londrës (98.5) dhe Universitetin e Oksfordit (96.9).

Universiteti i Kembrixhit (96.7), ETH Zyrih (93.9) dhe Kolegji Universitar i Londrës (91.6) ishin të radhës në listën europiane.

Pas Britanisë së Madhe, Zvicra siguroi më shumë vende në top 10 në Europë, e përfaqësuar nga ETH Cyrih, i renditur i shtati në të listën botërore, dhe École Polytechnique Fédérale de Lausanne (EPFL).

Franca dhe Gjermania gjithashtu hynë në top 10 në kontinent, përkatësisht me Université PSL dhe Universitetin Teknik të Mynihut.