Prezantuesi i famshëm, Jimmy Kimmel ka folur mbi operacionin e suksesshëm në zemër të djalit të tij më të vogël.

Gazetari i emisionit të natës, e ndau lajmin në rrjetet sociale, derisa shtoi se bashkë me të birin dhe familjen e tij ishin optimistë, por edhe skeptikë mbi ecurinë e operimit, shkruan CNN, transmeton AlbanianPost.

“Këtë fundjavë, djali ynë Billy bëri operacionin e tretë në zemër ”, ka shkruar Kimmel në foton e Billyt, 7 vjeç, në një shtrat spitalor.

“Ne hymë në këtë përvojë me shumë optimizëm dhe pothuajse po aq frikë dhe dolëm me një valvul të re brenda një fëmije të lumtur dhe të shëndetshëm”, shkrioi tutje ai.

Kimmel shtoi: “Të ecësh rreth këtij spitali, të takosh prindërit në vendet më të cenueshme, fëmijët në dhimbje dhe mrekullibërësit që bëjnë gjithçka në fuqinë e tyre të konsiderueshme për t’i shpëtuar ata është një përvojë përulëse” dhe falënderoi me emër anëtarë të shumtë të stafit të spitalit.

Jimmy bëri bujë në vitin 2017 kur emocionalisht gjatë një monologu të gjatë 13-minutësh në emisionin e tij zbuloi se Billy vuante nga një sëmundje serioze e zemrës, një çështje e zbuluar vetëm disa orë pas lindjes së fëmijës.

“Është një gjë e tmerrshme”, tha Kimmel në atë kohë, me zërin e tij të thyer.

“E dini, gruaja ime është kthyer në dhomën e rikuperimit, ajo nuk e ka idenë se çfarë po ndodh dhe unë jam duke qëndruar në mes të shumë njerëzve që duken të shqetësuar – disi si tani – të cilët po përpiqeshin të kuptonin se çfarë problemi është”, shtoi ai.

Që nga përvojat e tij me djalin e tij, Kimmel ka qenë një avokat i zëshëm për mbulimin shëndetësor për njerëzit me kushte jo të mira ekonomike.