Modelet e prerjes së flokëve për meshkuj, tashmë janë kthyer në një busull për trendet e burrave. Për sezonin Pranverë/Verë 2024, duke u frymëzuar nga pasarelat e Milanos, Parisit dhe Londrës pamë dhjetëra e dhjetëra modele, por vendosëm t’ju sugjeronim disa prej të cilave, janë kthyer në versionet më të pëlqyera. Disa janë krejt moderne, disa kanë ringjallur stilet e dikurshme të prerjeve klasike.

Flokët pas dhe të lagësht

Një stil që në të kaluarën e perceptonim si formal, sot po shndërrohet në një model flokësh të përditshëm. Lyeni flokët me xhel, dyllë ose vaj, e pastaj kalojini me duart ose krehër të gjitha pas, duke krijuar një teksturë delikate dhe me efekt të lagësht. Një krehër me dhëmbë të gjerë, mund të përdoret për të tërhequr flokët mbrapa, duke nxjerrë në pah tiparet e fytyrës. Ideale për fytyra të gjata dhe të mprehta

Qethje me tas

Ju sfidoj të gjithëve, sepse kushdo ka pasur një model flokësh si të prera me “tas”, kur ka qenë fëmijë. Ky model flokësh, tipik francez, tani është popullor në mesin e të rriturve. Një prerje uniforme, e cila nis nga baluket, qofshin ato flokë të drejtë, por edhe me kaçurrela. Mund të realizohet me gërshërë, duke lejuar nxjerrjen në pah të ballukeve të çrregullta. Ideale për fytyra drejtkëndëshe dhe trekëndore.

Punk me onde

Prerjet e flokëve me efekt pak punk, një stil të shkujdesur dhe kjo duket qartazi, nga kaçurrelset mbetet një trend mjaft i pëlqyer. Duke mos humbur atë joshjen e viteve ’80, te ky model spikat dukshëm një gjatësi e theksuar në pjesën e pasme të kokës, ndërsa shkurtohen anash, duke lënë vetëm disa tufa që dalin nga pas veshëve, por edhe te balluket. Ideale për ata, që guxojnë me stilin.

Prerja ushtarake

Gjithmonë prerjet e flokëve shkurt, sidomos ato që ngjajnë me qethjet ushtarake, nuk dalin kurrë nga moda. Gjithmonë me një ngjyrë, mundësisht bionde, por jo tepër e zbardhur apo fluoreshente, zgjidhni nuancat për një pamje natyrale. Arsyeja, pse ato pëlqehen? Ndoshta për shkak të komoditetit dhe mirëmbajtjes thuajse inekzistente, po ashtu te berberi kushton sa gjysma e një prerjeje më komplekse.

Dallgë, vetëm dallgë

Të rrjedhshme, të ndritshme dhe me një efekt të rremë të çrregullt, që të magjeps. Ky model kërkon një prerje flokësh me një gjatësi mesatare në pjesën e sipërme të kokës, duke krijuar pak volum, pasi kjo mundëson edhe stilimin e tyre në mënyrën më të përsosur. Theksoni dukshëm ondet, sepse ato janë padyshim edhe trendi i momentit. Ngjyrat natyrale janë gjithmonë më të preferuarat.