Sandra Bullock u fotografua për herë të parë që nga veedkja e partnerit të saj  Bryan Randall, në gusht.

Aktorja e “Blind Side” u pa duke ecur së bashku me vajzën e saj, Laila, dhe truprojën, Peter Weireter, në Los Angeles të enjten. Në një moment, Bullock ndaloi për të biseduar me Lailën përpara se të përkulej dhe t’i jepte një puthje në faqe.

Aktorja ende nuk e ka adresuar ndarjen tragjike, por një burim i tha People tre javë pas vdekjes së tij se ajo është “mirënjohëse” për mbështetjen.

Burimi shtoi se Sandra  ka “parë mbështetjen e pabesueshme ndaj kërkimeve për ALS që nga vdekja e Bryan”, duke iu referuar donacioneve për ALS që janë rritur 500 për qind pas vdekjes së tij.

“Ajo është shumë mirënjohëse për të gjithë ata që kanë dhuruar dhe është e lumtur që nga diçka kaq zemërthyese erdhi diçka kaq pozitive për të tjerët”, tha burimi.

Motra e aktores së “Miss Congeniality”, Gesine Bullock-Prado, tregoi se si motra e saj ishte një kujdestare “e mahnitshme” që “mblodhi” një ekip për t’u kujdesur për të gjatë viteve. Burimet i thanë ekskluzivisht Page Six në atë kohë se ajo  madje e ndërpreu karrierën e saj në Hollywood për ta ndihmuar atë.

Sandra, e cila adoptoi Laila dhe djalin Louis, u takua me Randall në janar 2015 kur ai u  fotografua në festën e ditëlindjes së djalit të saj. Ata bënë debutimin e tyre në tapetin e kuq dy muaj më vonë. Randall e ndihmoi Bullock-un të rriste dy fëmijët e saj, përveçse bashkë-prindëroi vajzën e tij të rritur, Skylar, nga një lidhje e mëparshme.