Schmitt: Ngjarja në Banjskë tregoi lidhjen e grupeve kriminale me Beogradin

Historiani zviceran, Oliver Jens Schmitt, thotë se ata që kanë interes t’ia ndalojnë aksesin Policisë së Kosovës në veri të vendit janë ata që qëndrojnë pas krimit të organizuar. Në një intervistë për Swissinfo.ch, Schmitt thotë se çdo veprim i policisë kosovare tentohet të paraqitet si dhunë etnike.

Kosova veriore është një qendër e rëndësishme për krimin e organizuar. Në fakt, nuk ka forcë policore në këtë pjesë. Krimi i organizuar ka interes që t’i mohojë qasjen Policisë së Kosovës. Çdo veprim i policisë përshkruhet si dhunë etnike e supozuar. Incidenti i lartpërmendur i tregoi të gjithë botës se sa ngushtë janë të lidhura krimi i organizuar dhe dhuna politike. U bë gjithashtu e qartë se sa ngushtë janë ndërthurur këto grupe të aktorëve politikë kriminalë me qeverinë në Beograd.

Schmitt thotë se për shkak të nacionalizmit, Serbia është ende shumë larg sundimit të ligjit dhe demokracisë.

Kjo shkon aq larg sa Kosovës – një shteti të pavarur – i kushtohet një rëndësi e madhe në Kushtetutën e Serbisë dhe të gjitha institucionet serbe janë të përkushtuara për ta rikthyer Kosovën nën kontroll. Nacionalizmi serb dhe miti janë pengesa në rrugën e Serbisë drejt sundimit të ligjit dhe demokracisë. Serbia aktualisht është shumë larg nga kjo.