Moderatorja e njohur Gerta Heta ka qenë së fundmi në një udhëtim në Kuvajt, për të cilin ka ndarë përshtypjet e saj në mediat sociale.

Në një postim në Instagram, ajo shkruan:

“Disa nga gjërat që më bënë më shumë përshtypje nga udhëtimi në Kuvajt:

-Tmerr vapë jashtë, tmerr ftohtë brenda. S’e di pse i mbanin aq temperatura të ulët kondicionerët. Kudo hyje ngrije së ftohti. Kur dilje jashtë pastaj e imagjinoni vetë. Po them vetëm që më e ulta shkonte 38 gradë pas orës 4 të mëngjesit.

-Çudi si mbijetonin edhe palma e bimë dekorative. Jashtë mase ujë i harxhuar për vaditjen e shkretëtirës.

-Femrat plot botox dhe fillera dhe të vetmen gjë të ekspozuar, fytyrën, e kishin të tejkuruar.

-Mbanin dado aziatike dhe shoferet indiane. Leku letër dmth por s’e di sa të lumtura ishin.

-Trendy më i fundit ishin palestrat. Veç e veç burrat nga gratë kuptohet dhe sikundër kërkesa ishte e lartë çmimi kishte shkuar 360 euro muaji.

-Alkooli i paligjshëm, nargjila kudo, burra e gra.

-Qendra dyqanore në çdo cep e aty kalohej koha, nëpër rrugë nuk dilte njeri, të paktën jo në këtë stinë.

-Kuvajti ka monedhën më të fuqishme në botë për pasojë çmimet skandalozisht shtrenjtë.

-E fundit, shteti i paguan qytetarëve ujin dhe dritat. Ja me kaq po e mbyll se i tha shteti Kuvajtit të gjitha”.