Erla Mëhilli në emisionin e mbrëmjes sonte ka biseduar me ish-ministrin Ditmir Bushati, dhe Mëhilli i vuri në dukje faktin që ka shumë që thonë sot se qëndrimi i ashpër i tij ndaj Serbisë, ishte ai që duhet të kishte edhe Edi Rama dhe e pyet se pse nuk ka patur zi kombëtare nga Tirana apo një qëndrim më të ashpër.

Ditmir Bushati, tha se Shqipëria nuk ka asnjë alternativë tjetër veçse ta shohë Serbinë me sytë e Kosovës. Ai ngriti pikëpyetje se pse 5 vitet e fundit në mediat shqiptare, Vuçiç është më protagonist sesa një kryeministër italian, apo tjetër?

A ja keni bërë këtë pyetje vetes?

“Aleksandër Vuçiç ka një të shkuar të errët. Çdokush ka të drejtën e rehabilitimit, por gjatë gjithë sundimit të tij, ai nuk ka dëshmuar reflektim. E kam kaluar vetë në lëkurë atë që Serbia kërkon. Serbia flet vetëm për zgjerim territoresh. Nuk ka folur për të drejtat e njeriut. Debati mes Shqipërisë dhe Kosovës duhet të shkojë përtej individëve. Para se të jemi euroatlantikë ne jemi shqiptarë”, tha Bushati.