Gazetari Flamur Vezaj ka publikuar në rrjetet sociale një foto  që tregon ish-ministrin e Brendshëm, Saimir Tahiri, Kelmend Balili i cilësuar si “Eskobari” i Ballkanit dhe Safet Bajri, drejtuesi i klanit “Bajri” në Shkodër duke drekuar, brenda një qelie në burgun e Lushnjës. Gazetari shkruan se fotoja është realizuar pak muaj më parë. 

“Shoqnia e burgut dhe jo vetem

Kjo foto tregon shume! Sidomos per pushtetin e kapur me bandat!

Sic e shikoni, kjo foto eshte bere brenda nje qelie ne burgun e Kosoves ne Lushnje pak muaj me pare!

Ne krah te majte me syza, besoj e njihni “kampioni” i luftes kunder krimit ish-ministri Saimir Tahiri! Perballe tij me bluze te bardhe, eshte “eskobari” i Ballkanit Kelmend Balili! Ne kohen kur Tahiri drejtonte ministrine jane bere dhjetra operacione per kapjen e tij por pa suksese!! Ndoshta kjo miqesi ka pas efektin e saj! Nderkohe pas Balilit eshte drejtuesi i “bandes” se Bajrave te Shkodres, Safet Bajri! Perballe tij nuk e njoh ate “kapon” tjeter!

Sic duket ne foto, po festojne dicka me vere e ushqime brenda qelise! Ne burg eshte e ndaluar vera por nga fotoja duket se jane te pashqetesuar per kete fakt dhe dihet tashme qe nepermjet shisheve te koles futej vera ne burgje! E per ta kuptuar se sa serioze ka qene qeveria Rama per luften ndaj krimit, kjo foto tregon shume!“, shkruan Vezaj krahas fotos.