“Interesa të tmerrshme personale”, si lidhet sulmi i Ramës ndaj Kurtit me “McGonigal” dhe Rusinë

“Interesa të tmerrshme personale”, Berisha tregon si lidhet sulmi i Ramës ndaj Kurtit me “McGonigal” dhe Rusinë

Kryedemokrati Sali Berisha ka treguar se si lidhet sulmi i kryeministrit Rama ndaj Albin Kurtit, me aferën e “McGonigal” dhe Rusinë.

I ftuar në studion e Euronews Albania, Berisha u shpreh se si Vuçiç ashtu edhe Rmama, kanë për qëllim ndarjen e Kosovës. Berisha tha se Rama flet për projekte euroatlanetike, kur vetë korruptoi një ish-zyrtar të FBI-së siç ishte Charles McGonigal.

Kryedemokrati shton se me veprimet e fundit që Rama po bën ndaj Kurtit, kërkon të zbusë ndëshkimin e ndërkombëtarëve.

“Aleksandër Vuçiç dhe Edi Rama kanë një qëllim ndarjen e Kosovës. Të dal te interesat personale, janë të tmerrshme. Procesi i Edi Ramës i cili nga një anë flet për komunitet euro-atlantik, nga ana tjetër është kryeministri që ka korruptuar me ryshfet udhëheqësit e komunitetit euro-atlantik si të ishte një vend jo mik, shefin e kundërzbulimit të New York-ut të metropolit të botës për të angazhuar në betejë private kundër opozitës shqiptare që ai kishte në detyrë.

Çdo përfaqësues i SHBA-së që ka ardhur në Shqipëri ka deklaruar para shqiptarëve se afera McGonigal është në gjykim. Këto çështje ndërlidhen si mishi me thoin, pasi Rama po tenton të tregojë se është një “good guy”, pasi do të zbusë ndëshkimin e merituar sepse ka kryer aktin më të paimagjinueshëm ka tentuar të korruptoj shefin e kundërzbulimit të New York-ut”, tha Berisha.