Seksi supozohet se duhet të jetë vetëm kënaqësi. Për disa burra ama, seksi ka një efekt të pakënaqshëm anësor, dhimbje të madhe të kokës.

Nëse keni dhimbje të tillë të kokës, nuk jeni të vetmit. Ky fenomen nuk është shumë i zakonshëm, por rreth 1 % e njerëzve përjetojnë dhimbje të kokës gjatë seksit dhe shumica prej tyre janë meshkuj. Ka tri lloje kryesore të dhimbjeve të kokës gjatë seksit. Njëra është kryesisht e butë dhe fillon posa të eksitoheni.

Ndërsa është paksa bezdisëse, ky lloj i dhimbjes së kokës nuk është shumë serioz, teksa shumica e njerëzve e largojnë me qetësues. Lloji i dytë i dhimbjeve të kokës gjatë seksit quhet dhimbja “rrufe”. Ky lloj i dhimbjes së kokës vjen gjatë orgazmës dhe ndonjëherë mund të zgjasë disa orë. Në përgjithësi shkakton më shumë dhimbje sesa lloji i parë dhe kërkon trajtim urgjent mjekësor, ndërsa mund të trajtohet me të njëjtat medikamente si lloji i parë.

Dhe lloji i tretë i dhimbjeve të kokës gjatë seksit, i cili është tejet i rrallë, prek vetëm 1 në 20.000 njerëz. Ky lloj i dhimbjes fillon pas seksit dhe përkeqësohet sa të ngriteni në këmbë. Nëse keni ndonjërën nga këto dhimbje të kokës, është e rëndësishme të flisni me mjekun tuaj, sepse dhimbjet e tilla, në raste të rralla, mund të jenë edhe simptomë e çrregullimeve apo sëmundjeve tjera.