Eksperti i ekonomisë, Pano Soko ka komentuar paralajmërimin e kryeministrit Rama për rihapjen e diskutimit mbi rritjen e çmimit të energjisë elektrike.

I ftuar në MCN Tv, Soko tha se nuk ka arsye të ketë një rritje të çmimit të energjisë pasi ka qenë një vit i shëndetshëm.

Soko tha se Rama premtoi rritje pagash dhe nëse nuk e realizon këtë do të rrezikojë shumë. Eksperti shtoi se kryeministri po planifikon një rritje taksash.

“Nuk kuptoj cilat janë arsyet, kemi pasur vit të shëndetshëm nga pikëpamja e energjisë. Shtejt kanë qenë 4.5 herë më shumë se kilovatët që kemi importuara. Të ardhurat janë të konsiderueshme. Nuk e kuptova kush është sensi i hapjes së një diskutimi që nuk ka nevojë. Investimet private ndër vite po progresojnë. Me investimet që po bëhen të gjitha zonat sidomos me energjinë diellore duket se ka potencial besoj se do e përmbushim nevojat për energji. Kriza u tejkaluar dhe në pikëpamjen e rajonit dhe kontinentit. Çmimi i energjisë jo vetëm që nuk prodhon kosto për buxhetin, por të ardhura. Ndoshta është fakti që i duhet shashka për pagat”, tha Soko.