Nuk e mundën dot Edi Ramën !

Duket se grupimi Berisha-Meta ka humbur edhe në Kamëz, edhe në Durrës, edhe në Shkodër. Të paktën deri më tani. Thënë kjo, konkluzion është se PD-ja ka humbur fortesat e veta tradicionale, që e thjeshtuar lexohet se një pjesë e votuesve të saj e kanë braktisur.

Në funksion të skemës politike në vend duket se 14 maji 2023 konfirmoi se dyshja Berisha-Meta nuk e nxjerrin dot nga pushteti Edi Ramën, përtej të gjitha skandaleve që nuk kanë sosur.

Është një mesazh politik që vjen nga vota me të cilin nuk do mund të biesh dakord, logjika nuk e pranon përderisa korrupsioni është masiv, mirëpo ai është aty. Kondensim i një fakti politik që sado asimetrik të tingëllojë është real. Sepse një e keqe nuk mund të justifikohet me një tjetër.

E megjithatë fakti nuk mund të vihet në diskutim në kushtet e tanishme. Problemi i Shqipërisë aktualisht është qeverisja dhe këtu thembër po shndërrohet mungesa e një opozite që mobilizon. Është po kaq thingëllues fakti se fitoret e opozitës janë atipike për atë që ajo pretendon të përfaqësojë dhe këtu dallon fitorja e Fred Belerit në Himarë që është me opozitën por nuk është i saj.