Jack Ma, një bashkëthemelues i gjigantit kinez të tregtisë elektronike Alibaba, do jetë profesor vizitor në Kolegjin e Tokios, një institut kërkimor i drejtuar nga Universiteti prestigjioz i Tokios, tha universiteti të hënën.

Ma do kryejë kërkime në bujqësinë e qëndrueshme dhe prodhimin e ushqimit, tha në një deklaratë.

Ai tha se Ma, i cili gjithashtu drejton Fondacionin e tij Jack Ma, një organizatë filantropike, do ‘ndajë përvojën e tij të pasur dhe njohuritë pioniere mbi sipërmarrjen, menaxhimin e korporatave dhe inovacionin’, me studentët dhe fakultetin.

Rregullatorët kinezë veçuan Alibaba-n për shqyrtim në një operacion të kohëve të fundit ndaj kompanive të teknologjisë dhe internetit.

Kjo erdhi pasi ai kishte kritikuar rregullatorët dhe sistemet financiare të Kinës në një fjalim në Shangai. Ma mbajti një profil të ulët për disa vite dhe udhëtoi jashtë shtetit përpara se të kthehej në Kinë kohët e fundit.

Emërimi i tij filloi të hënën dhe zgjat deri në fund të tetorit, tha universiteti.

Kolegji i Tokios, i themeluar në vitin 2019, lidh Universitetin e Tokios me studiues dhe institucione jashtë vendit, përfshirë Kolegjin e Francës.

Hulumtimi i tij përqendrohet në tema të tilla si revolucioni dixhital, Japonia e parë nga brenda dhe jashtë, shkencat humane në vitin 2050 dhe vlera e jetës.

Ma themeloi firmën e tregtisë elektronike Alibaba në vitet 1990 dhe dikur ishte njeriu më i pasur i Kinës.

Ai është i njohur në Japoni si mik i Masayoshi Son, themeluesit dhe shefit ekzekutiv të SoftBank Group Corp.