Ish-presidenti amerikan, Donald Trump, publikoi një video, ku deklaroi se kërcënimi më i madh për Amerikën është përdorimi si armë i sistemit të drejtësisë.

Ai tha se kur të zgjidhet president, do të caktojë prokurorë të cilët do jenë e kundërta e prokurorëve të Sorosit. Trump tha se këta prokurorë do të luftojnë korrupsionin komunist në vend.

“Nuk ka kërcënim më të tmerrshëm për mënyrën amerikane të jetesës se korrupsioni dhe përdorimi si armë i sistemit tonë të drejtësisë. Dhe kjo po ndodh rreth nesh.

Nëse nuk mund të rivendosim shtetin e drejtë dhe të paanshëm, nuk do të jemi vend i lirë. Si president, do të jetë misioni im personal për të rivendosur peshoren e drejtësisë në Amerikë.

Ne duam drejtësi dhe barazi përpara ligjit. Dhe për këtë qëllim, unë do të caktoj prokurorë amerikanë, të cilët do jenë e kundërta polare e Sorosit dhe prokurorëve të qarkut që po caktohen në mbarë Amerikën, duke u treguar shumë të padrejtë ndaj vendit tonë.

Ata do jenë 100 luftëtarët ligjorë më të egër kundër krimit dhe korrupsionit komunist që ka parë ndonjëherë ky vend. Nëse rishikojmë plotësisht Departamentin e Drejtësisë dhe FBI-në, ne do të nisim gjithashtu hetime gjithëpërfshirëse për të drejtat civile dhe për prokurorët e qarqeve.

Ata janë marksistë në shumë raste,” tha Trump.