Pedagogu në Universtitetin Bujqësor, Lush Susaj, teksa foli për protestën e tyre mbi kërkesat drejtuar qeverisë, tregoi i përlotur historinë e tij personale të lidhur me emigrimin e të rinjve.

I ftuar në Panorama Tv, Susaj tha se djali i tij është larguar para disa vitesh nga Shqipëria me para borxh, pavarësisht se u shkollua në shkollat më të mira të vendit dhe zotëronte diploma arsimi.

Susaj kritikoi qeverinë e vendit, duke i bërë thirrje shqiptarëve të mos e braktisin Shqipërinë.

“Largova djalin se mbaroi këtu dhe e dija që as për 100 vjet djali im nuk do zinte punë dhe pse ishte talent. Kur e kam larguar me pare borxh e largova me 5 gjuhë të huaja, më vjen shumë keq se ai nuk do kthehet kurrë më këtu, e unë këtu e mbyll me Shqipërinë, me zuzarët e komunizmit, me ringjalljen e kësaj ndyrësie, sic është larguar djali im të gjithë janë larguar.

Edhe ata që luajnë domino në Tiranë e shesin votën çdo 4 vjet, të gjithë i kanë fëmijët jashtë, sot shoh pleq që vdesin e i gjejnë pas 3 ditësh.

I bëj thirrje shqiptarëve ‘mos’, unë nuk kam çfarë humbas më këtë piramidë të ndyrë autokratike nëpër universitete shkollat duhet ta heqin”, tha pedagogu.