Hija e McGonigal endet në parlament, me asnjë banalitet nuk mund të sfumoni skandalin e tmerrshëm

Berisha: Hija e McGonigal endet në parlament, me asnjë banalitet nuk mund të sfumoni skandalin e tmerrshëm

Kreu i PD, Sali Berisha i është përgjigjur kërkesës së deputeteve socialiste për ta përjashtuar atë nga kuvendi për shkak të gjuhës diskriminuese që sipas tyre ka përdorur.

Berisha thotë se hija e McGonigal endet në parlament dhe me asnjë banalitet nuk mund të sfumoni skandalin.

Berisha: Me asgjë, me asnjë akt, me asnjë banalitet nuk mund të sfumoni skandalin e tmerrshëm në të cilin jeni përfshirë. Këtu në parlament endet hija e McGonigal, i cili bashkëpunoi jo vetëm me Edi Ramën, por edhe me disa nga këta ministra e ministre.

I cili mori përsipër si vrasës me pagesë të sulmojë opozitën, të shkatërrojë opozitën, i cili mori përsipër shumë e shumë veprime për të cilat kryetari juaj, një pjesë e juaj e mirë jeni dhe do të jeni në gjykim, në Shqipëri dhe SHBA.

Përsa i përket zonjës! Zonjë do të ju them një gjë unë ty; ty të duket të pëlqejnë ato që thotë Rama, por unë ato nuk i them kurrë, unë jam soj tjetër, edukatë tjetër, kështu që nuk kam si ta kuptoj unë reagimin tënd, përveç një dëshire që të dëgjosh nga goja ime ato që thotë kryetari yt edhe në këtë sallë parlamenti. Por ato nuk do ti plotësoj ndonjëherë.