Shumica e njerëzve e konsiderojnë me fat të jetojnë deri në 100 vjeç. Por dy gra jetuan shumë përtej kësaj dhe të dyja janë nga Franca.

Jeanne Calment besohet të jetë personi më i vjetër në botë i regjistruar, duke e zbukuruar Tokën për 122 vjet. Dhe së fundmi, një murgeshë franceze e quajtur Motra André ishte personi më i vjetër në botë deri më 17 janar, kur ajo vdiq në moshën 118 vjeçare.

“Është e vështirë të përcaktohet saktësisht se çfarë i ndihmon njerëzit të jetojnë përtej moshës 100 vjeç, – thotë Jean-Marie Robine, një eksperte që studion marrëdhëniet midis shëndetit dhe jetëgjatësisë, – por ka disa faktorë që mund t’i japin Francës epërsi në jetëgjatësi”.

Këtu janë disa arsye pse francezët priren të jetojnë më gjatë:

1. Arsimi është falas

“Njerëzit më të arsimuar kanë një jetëgjatësi më të gjatë,” thotë Robine. “Ata kanë njohuri më të mira se çfarë duhet të bëjnë dhe çfarë të mos bëjnë për të qëndruar të shëndetshëm.”

2. Qasja në kujdesin shëndetësor është falas

Vendet me jetëgjatësinë më të lartë, përfshirë Francën, Japoninë dhe Danimarkën, ofrojnë të gjitha kujdes shëndetësor falas. “Dhe ky është një ndryshim i rëndësishëm,” thotë Robine.

3. Zgjedhje më të mira diete

Banorët e jugut të Francës, ku kanë lindur të dyja Jeanne Calment dhe Motra André, i përmbahen një diete mesdhetare. Një dietë mesdhetare ka prioritet frutat, perimet, drithërat, ushqimet e detit dhe yndyrnat e shëndetshme, ndërkohë që kufizojnë ose reduktojnë konsumin e mishit të kuq, bulmetit dhe ëmbëlsirave.