Pas gati dy vitesh, Golden Globes rikthehen në televizion në një ceremoni si ato që ishim mësuar para pandemisë: pa distancë sociale, pa kufizime, me tavolina të rregulluara mirë etj. Ceremonia organizohet mbrëmjen e sotme dhe transmetohet në NBC. Kjo është ceremonia e 80-të – dhe vjen pas skandalit që përfshiu Shoqatën e Shtypit të Huaj të Hollivudit në shkurt të vitit 2021, kur “Los Angeles Times” publikoi një hetim që zbuloi se midis 87 anëtarëve të HFPA, nuk kishte përfaqësues me ngjyrë. Kjo bëri që stacionet televizive të zgjedhin të mos e transmetojnë atë në 2022 dhe disa yje të Hollivudit, përfshirë Tom Cruise, të kthejnë trofetë. 

Ku shihen Golden Globes? 

Ceremonia e 80-të e çmimeve Golden Globe do të mbahet të martën më 10 janar. Ceremonia do të fillojë në orën 2 të mëngjesit në vendin tonë dhe jepet në NBC. 

Kush i drejton Golden Globes? 

Komediani Jerrod Carmichael, i cili do të pasojë Amy Poehler dhe Tina Fey. 

Si reagoi HFPA ndaj polemikave? 

Reformat e HFPA-së pas polemikave kanë çuar në shtimin e votuesve të rinj më të ndryshëm, duke pranuar 103 votues të rinj të rekrutuar nga organizatat ndërkombëtare të industrisë. Votuesit e rinj janë 22.3% latinë, 13.6% njerëz me ngjyeë, 11.7% aziatikë, 10.7% të Lindjes së Mesme dhe 41.7% të bardhë, me 58.3% që identifikohen si “etnikisht të ndryshëm”. 

Kush janë të nominuarit kryesorë? 

Të nominuarit u shpallën drejtpërdrejt në dhjetor nga aktorja Selenis Leyva, e cila zëvendësoi George Lopez. Në kategoritë e filmit, gara për performancën më të mirë nga një aktore në një dramë është e ngushtë midis Cate Blanchett për Tár dhe Michelle Williams për The Fabelmans. Sa për aktorët dramatikë, Austin Butler dhe Brendan Fraser janë parë si favoritë, edhe pse ky i fundit tha se nuk do të jetë i pranishëm në ceremoni.

Kush do të marrë çmimin special? 

Pesë herë fituesi i Golden Globe Ryan Murphy do të nderohet me çmimin Carol Burnett për punën e tij si skenarist, regjisor, producent dhe vizionar kreativ televiziv. Eddie Murphy do të marrë çmimin Cecil B. DeMille për kontribute të jashtëzakonshme në argëtim. 

Kush i jep çmimet? 

Në mesin e atyre që do të dorëzojnë te fituesit Globet e Artë do të jenë: Ana De Armas, Ana Gasteyer, Billy Porter, Colman Domingo, Jamie Lee Curtis, Michaela Jaé Rodriguez, Natasha Lyonne, Nicole Byer, Niecy Nash- Betts, Quentin Tarantino dhe Tracy Morgan.