Eko-aktivistja suedez Greta Thunberg shkroi në Twitter ditën e sotme: ‘Kjo është ajo që ndodh kur nuk i ricikloni kutitë tuaja të picave’ – duke iu referuar faktit që policia zbuloi vendndodhjen e Andrew Tate në Bukuresht, pasi ai publikoi një video të tij të ulur pranë kutive të picave që kishte blerë. 

Në videon që shpërndau në mediat sociale, Tate i thotë një personi pas kamerës: ‘Të lutem më sill pica dhe sigurohu që këto kuti të mos riciklohen, përpara se t’i dorëzohet paketimi me tekst rumanisht mbi të.”, duke ironizuar Gretën. Më pas policia ka mësyrë në shtëpinë e tij dume e arrestuar bashkë më të vëllanë sepse akuzohen për trafikim të qenieve njerëzore. 

Më herët gjatë javës, Tate i hapi një luftë fjalësh Thunberg kur ai ndau një foto të tij duke qëndruar pranë një Bugatti dhe pretendoi se zotëronte 33 makina. 

“Unë kam 33 makina,” shkroi Tate në Twitter. “Të lutem më jep adresën e emailit që të mund të dërgoj një listë të plotë të koleksionit të makinave të mia dhe emetimeve të tyre të mëdha përkatëse.” 

Kush e di se çfarë e shtyu një burrë 36-vjeçar të postonte për një adoleshente se sa makina zotëron dhe për sa emetim karboni është përgjegjës? 

Por ajo që dimë është përgjigja e Thunberg. “Po, të lutem” shkroi ajo në Twitter. “Më dërgo email në [email protected]”. 

Përgjigja e saj ka marrë rreth 4 milionë pëlqime dhe qindra mijëra ripostime.