“The Simpsons” duket se ka parashikuar edhe një herë të ardhmen, kjo pas njoftimit të Donald Trump se do të rikandidojë për president të SHBA-ve në 2024.

Ky postim vjen pasi ish-presidenti amerikan tha të martën se do të organizonte zyrtarisht një fushatë të tretë për Shtëpinë e Bardhë.

Një skenar i ngjashëm me ngjarjet në Ukrainë është parashikuar gjithashtu më parë në një episod të serialit vizatimor, që e komenton Al Jean.

Episodi i vitit 1998, i titulluar “Simpson Tide” bën shaka se Bashkimi Sovjetik nuk u shpërbë kurrë me të vërtetë pasi trupat dhe tanket e ushtrisë mbërrijnë në rrugë dhe Muri i Berlinit ringjallet.

Al Jean i tha agjencisë së lajmeve PA se ai ishte “me të vërtetë i trishtuar që kjo u bë realitet, por jo i befasuar”.

“Thuhet se ekzistojnë dy lloje të parashikimeve të Simpsons.”- tha ai sipas Daily Mail.

“Ka rastësi të çmendura si Trump, pastaj ka gjëra të tilla ku jam shumë i trishtuar që u realizua, por jo i befasuar.”

Seriali vizatimor amerikan ka shfaqur episode me shumë fytyra të famshme ndër vite, duke përfshirë ish-kryeministrin Sir Tony Blair, Sir Paul McCartney dhe së fundmi këngëtaren Billie Eilish.

.@TheSimpsons As predicted in 2015 pic.twitter.com/BQEbCXAyy2

— Al Jean (@AlJean) November 16, 2022