Ivanka Trump, e cila shërbeu si këshilltare e lartë e Shtëpisë së Bardhë gjatë administratës Trump, thotë se po bën një pushim nga politika.

Vajza e madhe e ish-presidentit nuk mori pjesë në fjalimin e babait të saj në 15 nëntor, ku ai njoftoi kandidimin e tij në zgjedhjet e2024 për Shtëpinë e Bardhë dhe më vonë tha se nuk do të marrë pjesë në fushatën e tij të tretë presidenciale.

“Unë e dua shumë babanë tim. Këtë herë po zgjedh t’u jap prioritet fëmijëve të mi të vegjël dhe jetës private që po krijojmë si familje. Nuk kam në plan të përfshihem në politikë”, tha ajo në një deklaratë.

“Ndërsa gjithmonë do ta dua dhe do ta mbështes babanë tim, në vazhdim do ta bëj këtë jashtë arenës politike. Jam mirënjohëse që kam pasur nderin t’i shërbej popullit amerikan dhe do të jem gjithmonë krenare për shumë nga arritjet e administratës sonë.”

Nuk ishte menjëherë e qartë nëse burri i saj, Jared Kushner , i cili gjithashtu shërbeu si këshilltar i lartë i Shtëpisë së Bardhë, do të luante një rol në fushatën e Trump. Kushner, 41 vjeç, mori pjesë në fjalimin e Trump në mbrëmjen e 15 nëntorit.

Jared dhe Ivanka kanë së bashku tre fëmijë të vegjël.