Lidhu me ne

Radar

Votimi i mesnatës – kërcënim për pluralizmin

Nga Enton Abilekaj

Votimi i mesnatës - kërcënim për pluralizmin

Asgjë nuk ndryshoi për Dosjet me amendamentin Alibeaj. Nuk u hapen Dosjet, siç pretendoi hartuesi. Çdokush që dëshiron të ketë akses personal në një dosje, pa të drejtën për publikim, duhet të japë një arsye të fortë që të bindë Komisionin. Nëse e publikon më pas, do të mbajë përgjegjësi. Deri sot, këtë akses e ka patur të pakufizuar nga Komisioni, çdo njeri që ka qenë i prekur nga Sigurimi i Shtetit, pra çdo njeri i interesuar.

Amendamenti Alibeaj nuk ishte shërbim për publikun, as për ish- të pëndjekurit. Nuk e meritonte fjalimin patetik që deputeti mbajti përpara se të deklaronte votën kundër. Përmalljen me të përndjekurit, ndjesën që u hapën dosjet kaq vonë. Ishte një mashtrim i lirë, për të justifikuar një ndyrësi të shtrenjtë, dorëzimin e votës së demokratëve tek Edi Rama.

Mbrëmë ishte rasti i tretë që vërtetoi përfundimisht, se vota e 25 prillit kundër Edi Ramës, është marrë peng nga një grup deputetësh të opozitës, për ta futur në pazar, për t’i marrë ç’të munden një qeverie të korruptuar në këmbim të një maxhorance me 95 vota, të aftë për të ndryshuar edhe Kushtetutën.

Nuk ka asnjë ndryshim në raportin e Shqipërisë me dënimin e krimeve të Komunizmit. Lustracioni, ndalimi i pjesëmarrjes në jetën publike, u hodh poshtë. I vetmi ndryshim është që dosja e Ilir Metës do rishikohet, që kryetari i partisë së dytë opozitare do të bëhet viktimë e një pakete ligjesh për ta nxjerrë nga politika. Vota e mesnatës, ishte hapi i parë i dy ligjeve të tjera, që do ta ndalojnë Metën të jetë në politikë.

Nga sot fillon puna për ndryshimin e ligjit për Dekriminalizimin, ku do përfshihen edhe ish – bashkëpunëtorët e sigurimit dhe pastaj deklasifikimin e dokumenteve shtetërore, kur do bëhet diskretitimi publik i kundërshtarit të Edi Ramës. Ndërsa për ligjin e miratuar në mesnatë nuk kishte nevojë për shumicë të cilësuar, për 2 të tjerët do të duhen më shumë votat e trafikuara të opozitës, pazari do rritet, fitimi gjithashtu.

Kjo nuk ka lidhje me Ilir Metën, kjo ka lidhje me mënyrën se si Edi Rama heq qafe kundërshtarët e tij. Ish – Presidenti, i zgjedhur me votat e Partisë Socialiste, është njeriu që e solli dhe e mbajti Ramën në pushtet, është përgjegjës për më shumë se kaq, përpara publikut, por nuk po ndëshkohet nga publiku për përgjegjësitë e tij. Edhe luksin e ndëshkimin me votë, Edi Rama po ia merr publikut, nuk do ta lejojë as të futet në zgjedhje.

Verbëria e pushtetit absolut, e planeve antidemokratike për të paravendosur zgjedhjet, që bëhen ndryshime Kushtetuese si në 30 korrik 2020, këtë herë nuk gjeti partnerë deputetët e fundit të listave, por ata që kryesuan listat e opozitës. Korrupsioni banal i 2020, u zëvendësua me një Pazar të shtrenjtë në 2022.

Ajo që ndodhi mbrëmë ishte fillimi i një aksioni ligjor antiopozitar, që si shënjestër të parë ka ndalimin me ligj të pjesëmarrjes së Ilir Metës në politikë. Me 95 votat e mesnatës, pluralizmi është i kërcënuar më shumë se kurrë, tashmë jo vetëm nga një pushtet personal absolut, por edhe nga një grup deputetësh që ka vendosur të bëjë opozitën false dhe që besojnë se etja e Ramës për pushtet, do tu japë atyre ekskluzvitetin e opozitarizmit.

Pas këtij votimi, çdo përpjekje për t’u marrë vesh brenda PD-së ka marrë fund, çdo takim është vetëm në dëm të opozitarizmit, u jep kredo shërbëtorëve të Edi Ramës që kanë zënë karriget e opozitës. Përballë këtij rreziku, mëkatet e Metës dhe Berishës duken vetëm justifikime për t’ju shmangur përballjes me nje Pushtet që, pasi ka marrë gjithçka, tani po merr edhe opozitën me ligj.

Në vend të bisedimeve për bashkim, në vend të llogarive për peshën elektorale të shërbëtorëve të Edi Ramës në PD, ata që kanë shumicën e votave opozitare, duhet të denoncojnë atë që ndodhi mbrëmë dhe të distancohen përfundimisht nga mercenarët.

Të paktën opozitarët duhet ta dinë në zgjedhjet e ardhshme, që vota e tyre, edhe pse mund të mos e largojë Ramën, nuk do shkojë përsëri në shërbim të pushtetit të tij, edhe nëse nuk i jep dot fund autokracisë, nuk do t’i dorëzojë asaj edhe pushtetin e opozitës.

MË TEPËR

Radar22 orë më herët

Çfarë ka eksportuar më shumë Shqipëria?

Irena Beqiraj Të dhënat tregojnë: – 1.2 milionë shqiptarë jetojnë tani jashtë vendit (ose 44%)– 70% e emigrantëve janë nën...

Mix22 orë më herët

Kryeministri i Kanadasë feston fitoren me muzikë rep dhe kërcim në skenë, videoja e Mark Carney bëhet virale

Pasi siguroi një fitore historike në zgjedhje, kryeministri kanadez Mark Carney festoi suksesin e tij politik në mënyrën më të...

Mix22 orë më herët

Rikthehen “Peaky Blinders”, ngjarjet zhvendosen 20 vite më vonë, roli i Cillian Murphy

Një serial i ri i dramës ”Peaky Blinders” do të fillojë xhirimet këtë verë, ku ngjarjet pasqyrojnë vitet 1950, sipas...

Mix24 orë më herët

“Metallica”, grupi heavy metal që ka bërë historinë

Metallica është një nga grupet më të njohura dhe më të suksesshme të muzikës heavy metal në histori. E formuar...

Mix24 orë më herët

Marlon Brando, ylli amerikan i “The Godfather”

Marlon Brando ishte një aktor amerikan i njohur si një nga figurat më të mëdha në historinë e kinemasë. Ai...

Mix24 orë më herët

Ishte nominuar dikur për çmimin Nobel, fakte nga jeta e diktatorit të tmerrshëm Adolf Hitler

Adolf Hitler, një nga diktatorët më të këqinj ndonjëherë, mbase edhe më i keqi në tërë historinë njerëzore, ishte përgjegjës...

Radar1 ditë më herët

Na shkruajnë shpesh, pse i bëjmë opozitë opozitës

Na shkruajnë shpesh sidomos në inbox se pse i bëjmë opozitë opozitës Podiumi është themeluar në janar të vitit 2016...

Radar1 ditë më herët

Donald Trump, Ukraina do mposhtet shumë shpejt. Unë po e shpëtoj

Presidenti amerikan Donald Trump ka dhënë një intervistë së fundmi për “The Atlantic” me gazetarin Jeffrey Goldberg që nxori në...

Kryesore1 ditë më herët

Lobimi 6 milionë dollarë, Lulzim Basha: PD do të ishte në pushtet nëse Berisha s’do e përdorte partinë për hallet e tij

Lulzim Basha Drejtuesi i Koalicionit Euroatlantik, Lulzim Basha, ka reaguar përmes rrjeteve sociale në lidhje me kontratën e lobimit 6...

Mix1 ditë më herët

Makaronat dhe rënia nga pesha – ndihmojnë apo përkeqësojnë procesin?

Hapi i parë që marrin njerëzit që duan të humbasin kilogramët e tepërt, është kufizimi apo heqja dorë nga karbohidratet,...

Facebook