iPhone 14 ka dalë në treg dhe tashmë të gjithë ne kemi shfaqur interesin më të madh për t’u njohur me risitë dhe pse jo për ta blerë atë. Telefoni më i ri i Apple shitet me 799 dollarë por a e dini se një nga modelet e tij të para do të kushtojë shumë më tepër se kaq. E kemi fjalën për një iPhone të gjeneratës së parë nga viti 2007 është aktualisht në bllokun e ankandit dhe shtëpia e ankandeve që e liston vlerëson se mund të arrijë 30,000 dollarë ose më shumë.

iPhone i papërdorur 8 GB është ende i pahapur në kutinë e tij origjinale. Ai kushtoi 599 dollarë kur doli për herë të parë, që do të thotë se do të dilte në ankand për 50 herë më shumë se çmimi i tij origjinal nëse shitet për 30,000 euro. Ndryshe, iPhone i parë erdhi me një ekran 3.5 inç, një kamerë 2 megapiksel dhe një shfletues web. Kur bashkëthemeluesi dhe CEO i ndjerë i Apple, Steve Jobs, e prezantoi për herë të parë 15 vjet më parë, ai e quajti atë një kombinim të “një iPod, një telefoni dhe një komunikuesi interneti”.

Kujtojmë gjithashtu se një nga modelet e kompjuterit të parë, i krijuar nga themeluesit e Apple, u shit në ankand në SHBA. Kompjuteri Apple-1 u krijua në 1976 nga Steve Jobs, Steve Wozniak dhe disa njerëz të tjerë. Një nga modelet e krijuara me dorë është ofruar nga shtëpia e ankandeve “John Moran Auctioneers”. Kompjuteri u ofrua me një çmim fillestar prej 200 mijë dollarësh dhe pritej të arrinte dy deri në trefishin e çmimit. Oferta përfundimtare ishte 400 mijë dollarë. Ky nuk është çmimi rekord me të cilin është shitur një model Apple-1, sepse në vitin 2014, kompjuteri në ankand arriti çmimin prej 905 mijë dollarë.