Me siguri e njihni, ju ka dalë diku një herë në Instagram. Është bjondja me flokët me volum gjjthnjë dhe me veshjet skandinave. Ajo ka meritën sipas Elle të kthimit në modë të balerinave. Por nga ana tjetër Bussines Insider i shkruan një profil ku zbulon sesi kjo vajzë e re nga një qytet i vogël i Suedisë sot ka ndërtuar një perandori në modë, ka miliona në bankë, Instagram e Tik Tok dhe i ka bërë pa biznes plan, pa përllogaritje por ama siç thotë ajo e ka gjetur veten duke punuar edhe 14 orë gjatë një ditë.

Lexo për të më shumë

Matilda Djerf e kuptoi se ishte e destinuar të bëhej një sipërmarrëse ndërkohë që po hiqte luspat e salmonit. Djerf ka luftuar shumë për të siguruar një punë në një dyqan peshku.

Ajo u përgatit madje për ditën e saj të parë të punës dhe kaloi orë të tëra një natë përpara në YouTube për të mësuar si të qerojë peshkun.

Por me kalimin e kohës në këtë punë, Djerf u zhgënjye me faktin se asnjë nga idetë e saj nuk u përkrahën nga shefat e saj.

“Ata donin të bënin gjithçka në mënyrë tradicionale. Sa herë që më lindnin ide të reja, prgjigjja ishte: “Jo, kjo është ajo që ne zakonisht bëjmë”. Kështu kuptova se kjo nuk është punë për mua,” shprehet Djerf.

Djerf është një nga fytyrat më të njohura në mediat sociale, me mbi 2.7 milionë ndjekës në Instagram dhe mbi 1.2 milionë ndjekës të TikTok.

Me kalimin e viteve, Djerf ka frymëzuar miliona ndjekës të Tik Tok me mënyrën e stilimit të flokëve të saj të fryrë.

Prezenca e saj në mediat sociale dhe aftësia për të parashikuar tendencat gradualisht tërhoqi vëmendjen e mediave më të gjera gjatë viteve.

Në shtator, The Cut vlerësoi Djerf si pjesë e rikthimit në modë të balerinave. Dhe në gusht, Elle Magazine e përshkroi atë si sinonim të estetikës.

Është e qartë se Djerf, e cila ka lindur dhe është rritur në Borås, një qytet i vogël në Suedinë perëndimore, nuk është një influencer e thjeshtë.

Ndërsa ndjekësit e Djerf në mediat sociale po rriteshin ajo nisi të bashkëpunonte më shumë me markat në Suedi.

Ajo tani është drejtoresha kreative e markës së saj të modës, Djerf Avenue, të cilën e filloi me të dashurin e saj, Rasmus Johansson.

Ajo dhe Johansson nuk kishin synime, as pritshmëri, madje as një plan biznesi.

Çifti fillimisht donte të fitonte para që të mund të udhëtonin.

Djerf thotë se ajo kurrë nuk mund të parashikonte se sa larg do të shkonte. Por shpejt, tha ajo, Djerf Avenue filloi të tejkalonte pritshmëritë. Dhe tre vjet më vonë, ajo dhe Johansson, i cili tani është CEO i labelit, mund të thonë me siguri se bastet e tyre u shpërblyen.

Edhe pse ajo nuk i konfirmoi të ardhurat e saj për Insajderin, suksesi i Djerf Avenue është i mirë-dokumentuar. Në vitin 2021, Vogue raportoi se marka po bënte 8 milionë dollarë në shitje dhe The Tab vlerëson se të ardhurat e saj janë midis 1 dhe 5 milionë paund, ose rreth 1.15 deri në 5.76 milionë dollarë.

“Për të arritur atë që ke kërkon vullnet, thotë ajo. Ditët e saj të punës mund të zgjasin deri në 14 orë.

Ajo tha se një nga prioritetet e saj kryesore është menaxhimi i një stafi prej 20 punonjësish në Suedi dhe një staf prej gjashtë vetësh në Nju Jork.