Çështja e të drejtës për të abortuar është një nga temat që ngjallin më shumë debat. Disa e konsiderojnë të rëndësishme të drejtën e çdo gruaje për të zgjedhur, të tjerë mbrojnë të drejtën e çdo embrioni për të lindur. Muajt e fundit është rikthyer edhe më shumë në vëmendje pasi SHBA-të morën vendimin për të rrëzuar Ligjin Roe vs Wande, një ligj që lejonte abortin. Tashmë cdo shtet në SHBA do ta marrë vetë vendimin nëse do ta ndalojë apo lejojë abortin.

Italo Calvino ka shkruar një letër drejtuar burrave shumë vite më parë. Rreshta që do t`i bëjnë burrat ta kafshojnë gjuhën më shumë se njëherë para se të flasin mbi këtë temë.

Letra e tij për një burrë që shkroi një lajm ku dënonte abortin dhe e quante gabim atë.

I dashur Magris,

me shumë keqardhje lexova shkrimin tuaj me titullin “Të gabuarit”. Jam i mërzitur që e ke shkruar, por mbi të gjitha që e mendon ashtu.

Lindja e një fëmije ka kuptim vetëm nëse ky fëmijë kërkohet me vetëdije dhe lirisht nga dy prindërit. Përndryshe është një veprim shtazarak dhe kriminal.

Një qenie njerëzore bëhet e tillë jo vetëm nga kushtet biologjike, por nga një akt vullneti dhe dashurie nga ana e të tjerëve. Nëse nuk bëhet kështu, atëherë njerëzimi bëhet kështu siç është tani, një stallë.

Vetëm ata – burri dhe gruaja – të cilët janë 100% të bindur që kanë mundësinë morale dhe materiale jo vetëm për të rritur një fëmijë, por për ta mirëpritur atë dhe për ta dashur, kanë të drejtën të krijojnë; nëse jo, së pari duhet të bëjnë gjithçka që është e mundur për të mos konceptuar dhe nëse konceptojnë, aborti nuk është vetëm një domosdoshmëri e trishtueshme, por një vendim shumë moral që duhet të merret në lirinë e plotë dhe ndërgjegje.

Aborti është një gjë e frikshme. Në abort, ajo që masakrohet, fizikisht dhe moralisht, është gruaja; edhe për një burrë të vetëdijshëm çdo abort është një provë morale që lë gjurmët e tij, por sigurisht këtu fati i gruas është më në rrezik. Aq në rrezik saqë çdo burrë duhet të kafshojë gjuhën para se të flasë për këto gjëra. Jo njëherë, por tri herë.

*Italo Calvino, gazetar dhe shkrimtar italian. Calvino ka vdekur 38 vjet më parë, në 18 shtator të 1985-ës.