Radar
Kryebashkiaku i Bulqizës imiton Ramën, i puth duart Luiza Gegës në ceremoninë e pritjes
Ceremonia e nderimit të sportistes Luiza Gega është rikthyer sërish në të njëjtën kopje sikurse u zhvillua në kryeqytet.
Bashkia e Bulqizës i ka dhënë sot titullin “Qytetare Nderi”, ndërsa nuk ka munguar as nderimi që i ka bërë kryebashkiaku duke i puthur dorën njësoj si Rama në Tiranë disa ditë më parë në ceremoninë e nderimit për sportisten në Bulevardin”Dëshmorët e Kombit”.
Lefter Alla ka kopjuar liderin e tij duke u shfaqur po aq entuziast sa Rama.
Luiza Gega u shpall kampione e Evropës. Gega fitoi medaljen e artë në Kampionatin e Atletikës që u zhvillua në Mynih. Gega u shpall kampione në 3.000 metra me pengesa me kohën 9’11”31.
