Pas shumë vitesh me mbrëmjen e të premtes që nis me “Mirembrëma Tokësor” në Tv Klan, duket se nga sezoni tjetër kjo gjë do të ndryshojë.

Raportimet e fundit nga “merakatoja e verës” flasin për një lëvizje të Arjan Çanit dhe “Zonë e Lirë”, ndërsa në Klan do të vijë dikush që i mungon ekranit prej disa kohësh.

Përflitet se sinjali për largimin e Çanit është dhënë nga qeveria, me të cilën është lidhur fort TV Klan.

Në fakt TV Klan u afrohet të gjitha qeverive, dhe krahas përfitimeve, duhet edhe të zbatojë porosi të pushtetit.

Po me kë do të zëvëndësohet Çani, i cili ka qenë kritik me qeverinë dhe më afër Berishës dhe Metës?!

Po flasim për Luana Vjollcën, e cila vitin e fundit është fokusuar tek muzika dhe projekti “Thuaje”, ndërsa tani duket se është gati të rikthehet në ekranin e vogël.

Moderatorja e njohur do të marrë hapsirën e së premtes në Klan, por nuk dihet ende me cilin emision, ndoshta “Shiko Kush Luan” ose një format i këtij lloji, ndoshta me dicka tjetër.

Po Çani ku do të shkojë? Zona e tij e lirë, po sipas të njejtas media, do të transferohet në Abc, me burime pranë televizionit që e kanë konfirmuar këtë, madje që në sezonin e ri, programin e gazetarit të njohur do ta shohim jo një, por dy herë në javë.

Kështu duket se dy motrat e Vjollca do të jenë protagoniste të Klanit në sezonin e ardhshëm, nëse nuk do të ketë ndryshime në “Klanifornia” e nga ana tjetër, të shohim si do të vijë Çani i ndryshuar pas kaq shumë vitesh.