Radar
Radhët kilometrike në Kakavijë/ Emigrantët shqiptarë të braktisur, Rama ‘hesht’ përballë Greqisë
Prej shumë orësh në pikën kufitare të Kakavijës janë bërë radhë kilometrike, për shkak të fluksit të emigrantëve shqiptarë që kthehen në atdhe.
Pala greke po punon me dy sportele, pavarësisht numrit të lartë të emigrantëve që presin. Përballë kësaj situate të përsëritur, shteti shqiptar nuk ka marrë asnjë masë.
Emigrantët janë lënë sërish pa mbështetjen e shtetit të tyre, i cili nuk ndërhyn për të zgjidhur problematikën në kufi.
Ende nuk janë harruar pamjet e krizës humanitare të gushtit të viti 2020, ku mijëra shqiptarë mbetën të bllokuar në kufi për disa ditë rresht, ku temperaturat ishin të larta, pa ujë dhe ushqim.
Dhe vetëm pasi u shënua edhe një viktimë, qeveria shqiptare mori mundimin që të arrinte një marrëveshje me autoritetet fqinje.
Një 10-vjeçar u përplas për vdekje nga një ambulancë teksa po priste me familjarët e tij, të kalonte në anën tjetër të kufirit.
