Fotoja e parë e filmit më të ri të Brad Pitt, shiheni si duket ai, 52 vjeç

Paramount ka nxjerrë online foton e parë të filmit Allied. Sipas sinopsit zyrtar, filmi është “historia e oficerit të inteligjencës Max Vatan (Brad Pitt), që në vitin 1942 në Afrikën Veriore takon luftëtaren e Rezistencës Franceze Marianne Beausejour (Marion Cotillard) në një mision fatal pas vijës së armikut. Të rigjetur në Londër, marrëdhënia e tyre kërcënohet nga presionet ekstreme të luftës.”

Ka kaluar pak kohë që kur regjisori Robert Zemeckis, hyri në një diskutim për garat e çmimeve edhe pse ai ka krijuar filma që kanë marrë vlerësime që me filmin sukses të 1994-ës Forrest Gump. Allied, mund ta fusë sërish në garë, me mjedisin e LIIB, aktorët kryesorë fitues të Oscar-ve dhe skenarin romantik-triller. Filmi mund të rrisë gjithashtu shanset për Oscar për Pitt e Cotillard. Producenti Graham King ka folur për People, mbi performancën e tyre.

“Brad dhe Marion jo vetëm nisën provat bashkë para se të nisnin xhirimet, por kaluan edhe shumë kohë duke zhvilluar personazhet me regjisorin, Robert Zemecikis. Në kohën kur shkuam në sheshxhirim, ishte fantastike t’i shihje personazhet që ndiheshin sikur e jetonin skenën dhe shumë të vërtetë”, ka thënë King për periudhën deri në xhirime dhe gjatë tyre.

Do shihet nëse Allied do të shfaqet në ndonjë festival filmi, para datës së shfaqjes në kinema ose nëse studioja do e shmangë rrethin e festivaleve. Sigurisht që filmi ka fuqinë e emrave dhe traditën e mirë për të tërhequr vëmendjen.

Ai do të shfaqet për herë të parë në 23 nëntor.