Elon Musk u ul në gjunjë dhe iu lut bashkë-themeluesit të Google, Sergey Brin, për falje pasi ai pati një lidhje me gruan e tij në Miami Beach vitin e kaluar (lexo këtu).

Njeriu më i pasur në botë i kërkoi falje shokut të tij të vjetër në një festë në fillim të këtij viti, thanë burime për Wall Street Journal. Brin pranoi pendesën e Musk, por ende nuk po flet me të si më parë, shtuan burimet.

Thuhet se ngjarja ndodhi në dhjetor në eventin vjetor të Art Basel, pak kohë pasi Musk u nda me këngëtaren kanadeze të popit, Grimes, në shtator. Martesa e Shanahan me Brin ishte gjithashtu e tensionuar në atë kohë për problemet që lidhen me mbylljen e pandemisë së COVID-19 dhe kujdesin për vajzën e tyre. Ata ishin të ndarë, por ende jetonin së bashku.

Shanahan thuhet se po kërkon më shumë se 1 miliard dollarë nga Brin, i cili ka një pasuri prej rreth 90 miliardë dollarësh dhe çifti është ende i përfshirë në procedurat e ndërmjetësimit të divorcit.