Jennifer Lopez dhe Ben Affleck nisin muajin e mjaltit

Dy adoleshentë në rrugët e Parisit, Jennifer Lopez dhe Ben Affleck nisin muajin e mjaltit

Jennifer Lopez dhe Ben Affleck, zyrtarisht kanë nisur muajin e mjaltit në Paris dhe janë shumë të lumtur. Çifti është parë në qytetin e dashurisë menjëherë pas dasmës surprizë së bashku me familjarët e tyre, në restorantin ‘Le Matignon’ të enjten në mbrëmje.

Të porsamartuarit u panë edhe herët në mëngjesin e së premtes, rreth orës 7:30. Më shumë se dy orë në parkun e qytetit, duke u përqafuar e duke u puthur, citojnë burimet për People.

“Ishin si dy adoleshentë në stolin e një parku parku – shumë të dashur, shumë të vëmendshëm”,– vijon burimi. “Nuk kishte shumë njerëz atë orë të mëngjesit dhe ata ishin vetëm.”

Lopez dhe Affleck, më vonë bënë një shëtitje me fëmijët e tyre në ‘Marais’ dhe ‘Rue des Rosiers’, deri në qendrën ‘Pompidou’. Shëtitja pati githashtu edhe një ndalesë në një dyqan veshjesh luksoze dhe një udhëtim nëpër Seine, në Musée d’Orsay.