Resortet më të mira në Europë, sipas lexuesve të Travel + Leisure, mishërojnë historinë e jashtëzakonshme të kontinentit, nxjerrin në pah traditat e tij të rafinuara dhe u ofrojnë turistëve akses të pashembullt në zonat më të bukura të kontinentit.

Europa është një kontinent i madh me shumë vende, por njëri nga destinacionet vazhdon të rrëmbejë zemrat e lexuesve të Travel + Leisure: Italia. Turistët u rikthyen në Itali me entuziazëm, si në fshatrat e vendit, ashtu dhe në plazhet e tij. Në fakt, gjashtë nga vendet e renditura në këtë listë janë hotele rreth liqenit të Komos dhe në Bregun e Amalfit.

Çdo vit, në sondazhin e Ҫmimeve të më të Mirëve në Botë, T+L u kërkon lexuesve që të vlerësojnë përvojat e udhëtimeve në mbarë globin, të ndajnë mendimet e tyre për qytetet kryesore, ishujt, anijet turistike, spa-të, linjat ajrore dhe shumë më tepër.

Hotelet (duke përfshirë shtëpizat e safarit) u vlerësuan bazuar te kushtet e tyre, te vendndodhja, shërbimi, ushqimi dhe vlera e përgjithshme. Hotelet u klasifikuan si hotele në qytete, resorte ose shtëpiza safari, bazuar te vendndodhjet dhe komoditetet që ofronin.

Çfarë na ofrojnë hotelet italiane? “Një arratisje të bukur nga realiteti,” shkroi një votues për hotelin e renditur në vendin e 10-të, Grand Hotel Tremezzo, në liqenin e Komos. “U ndjeva vërtet i emocionuar dhe ato ishin momentet më relaksuese në jetën time.”

Një tjetër fans e quajti atë “hotelin tim të preferuar në planet”. Gjithashtu, në liqenin e Komos, hoteli i renditur në vendin e 13-të, Grand Hotel Villa Serbelloni, ofron “pamje të pabesueshme”, sipas një lexuesi të T+L.

Santorini, perla vullkanike në jug të detit Egje, rrëmbeu tre nga katër vendet e Greqisë këtë vit, ndërsa Franca arriti të merrte dy vende me Coquillade Provence Resort & Spa (e renditur e katërta) dhe Royal Champagne Hotel & Spa (e renditur e pesta).

Coquillade Provence Resort & Spa është një resort magjik në majë të një kodre brenda Parkut Natyror Rajonal Luberon, me pamje mahnitëse të rajonit të Provence, ndërsa Royal Champagne Hotel & Spa është i vetmi hotel luksoz në rajonin e dashur të verërave të Champagne.

Më poshtë mund të zbuloni se cilat janë hotelet e tjera që u zgjodhën nga lexuesit si resortet më të mira në Europë.

1. Rosewood Castiglion del Bosco, Montalcino, Itali

Teksa pothuajse të gjitha hotelet e tjera italiane në listë janë në liqenin e Komos ose në Bregun e Amalfit, ky hotel shekullor i Toskanës rrëmbeu çmimin e parë, me një rezultat pothuajse perfekt.

Turistët në këtë resort kanë privatësi maksimale – hoteli prej 5,000 hektarësh ka vetëm 42 suita dhe 11 vila – dhe ata do ta kenë shumë të vështirë që të mërziten këtu.

Turistët mund të vizitojnë kantinën e verës Brunello di Montalcino, të luajnë në fushën e golfit me 18 vrima, të marrin një trajtim në spa në ish-bodrumet e verës të këtij resorti, ose të relaksohen pranë një pishine të pafundme me pamje mahnitëse të fshatit.

Për sa i përket kulinarisë, në këtë resort gjenden dy restorante të shkëlqyera, një shkollë gatimi dhe një kopsht i bukur ku kultivohen disa nga produktet e zonës. Turistët gjithashtu mund të bëjnë një ekskursion për “gjuetinë” e tartufit.

Dhomat janë tepër luksoze dhe shërbimi është i shkëlqyer, duke siguruar që çdo ëndërr për pushimet në fshat do të kthehet në realitet.
Rezultati: 99.25

2. Hotel Grace, Koleksioni i Resorteve Auberge, Santorini, Greqi
Rezultati: 99.22

3. Sani Asterias, Halkidiki, Greqi
Rezultati: 97.87

4. Coquillade Provence Resort & Spa, Gargas, Francë
Rezultati: 97.82

5. Royal Champagne Hotel & Spa, Champillon, Francë
Rezultati: 97.50

6. Canaves Oia Epitome, Santorini, Greqi
Rezultati: 97.41

7. Hotel Santa Caterina, Amalfi, Itali
Rezultati: 97.33

8. Il San Pietro di Positano, Positano, Itali
Rezultati: 97.12

9. Hotel Finca Cortesín, Golf & Spa, Málaga, Spanjë
Rezultati: 96.97

10. Grand Hotel Tremezzo, Liqeni i Komos, Itali
Rezultati: 96.80

11. Borgo Egnazia, Savelletri di Fasano, Itali
Rezultati: 96.60

12. Katikies Santorini, Greqi
Rezultati: 96.24

13. (Barazim) Grand Hotel Villa Serbelloni, Bellagio, Itali
Rezultati: 96.00

14. (Barazim) Hotel Caesar Augustus, Capri, Itali
Rezultati: 96.00

15. Le Sirenuse, Positano, Itali
Rezultati: 95.81

/ Travel & Leisure