Jennifer Lopez

Të gjithë e shohim më zili  Jennifer Lopez. Megjithëse është 52 vjeçe  ajo duket në formë të shkëlqyer fizike. Teksa e shikojmë të gjithë pyesim, cili është sekreti me çfarë ushqehet kjo grua?  

Kengetarja e njohur shpesh herë ka përmenduar se ndjek një program intensiv ushtrimesh dhe një dietë të ekuilibruar. Trajneri i saj personal, David Kirsch, ka thënë në mënyrë karakteristike se ajo është “shumë e fokusuar dhe shumë e disiplinuar”.

“Jennifer nuk dorëzohet, ajo është e fortë. Ajo ka ton muskulor më të mirë se disa nga klientët e mi 25-vjeçar.”, tha Kirsch duke zbuluar se këngëtarja ka vite që nuk ka pirë kafeinë apo alkool. Për më tepër, ajo përdor vaj ulliri për rrudhat.

Më parë, ajo është shprehur se sekreti i antiplakjes, është se e lyen fytyrën me vaj ulliri. “Është një sekret që e përdor gjatë gjithë këtyre viteve sepse funksionon vërtet. Një nga gjërat që duhet të bëni që 15 vjeç, është përdorimi i kremrave kundër diellit çdo ditë.”, ka thënë ajo.

Jennifer po jeton një kohë të lumtuar ajo së fundmi është  fejua me të dashurin e saj, Ben Affleck.