Djali i Elon Musk kërkon të bëhet femër

Djali i Elon Musk kërkon të bëhet femër, ndryshon emrin dhe shkëputet nga i ati

Një nga shtatë fëmijët e Elon Musk ka paraqitur dokumente ligjore, duke kërkuar ndryshimin e emrit sepse dëshiron të njihet si femër dhe nuk dëshiron të jetë i lidhur me babanë biologjik, në asnjë lloj mënyre apo forme.

Xavier Musk, 18 vjeç, po kërkon ta ndryshojë emrin në Vivian Jenna Wilson, në përputhje me identitetin e ri gjinor, sipas dosjes që u depozitua në muajin prill në Gjykatën e Lartë të Kalifornisë në Los Anxhelo, pak pasi mbushi 18 vjeç.

Adoleshenti kërkoi gjithashtu një certifikatë të re lindjeje, me emrin e ri. Adoleshenti ka një vëlla binjak, Griffin. Nëna e tyre është autorja kanadeze Justine Wilson, e cila ishte e martuar me Musk nga viti 2000 deri në vitin 2008.

Binjakët lindën në vitin 2004, pas humbjes së fëmijës së parë. Djali i Wilson dhe Musk, Nevada, i lindur në vitin 2002, vdiq pas 10 javësh nga sindroma e vdekjes së papritur të foshnjave. Çifti ka gjithashtu edhe trenjakë 16-vjeçarë.

Pas ndarjes, Musk u lidh me këngëtaren Grimes, me të cilën ka dy fëmijë, por tashmë edhe kësaj marrëdhënie i ka dhënë fund.

Miliarderi Tesla nuk ka komentuar dosjen e çuar në gjykatë. Ai nuk ka qenë shumë i hapur për çështjet LGBTQ, por ka bërë disa komente në Twitter, një numër prej të cilave janë kritikuar si transfobike.