Në emisionin “ Shqip” nga Drita Hila ishte e ftuar historiania Elena Kocaqi për të folur për një sërë çështjesh siç është edhe ajo e zgjedhjes së Presidentit, ku ajo dha kandidaturën e saj.

Kocaqi tha se Greqia ndikoi në procesin e zgjedhjes së Presidentit sepse duan dikë që do pranonte të jepte autorizimin lidhur më çështjen e detit të mbetur pezull mes dy vendeve. Ajo tha se këtë gjë e lejoi kryeministri Rama që të ndodhte.

“Del ministri i jashtëm i Greqisë dhe deklaron se presidenti i ri do bëjë marrëveshje me detin, do jepet autorizimi etj. Kjo tregon që në zgjedhjen e Presidentit kanë dorë edhe fqinjët grekë për shkak të çështjes së detit.

Kjo cënon pavarësinë e Shqipërisë, integritetin dhe sovranitetin e vendit.

Këtë mundësi ia ka dhënë vetëm Rama Greqisë.

Është problem i hapur çështja e detit.

Greqia përpiqet në çdo mënyrë që të gjejë një klauzolë e të hapi më pas problemin e kufirit. Nuk mund të diksutojmë ne çështjen e detit pa hequr Greqia ligjin e luftës”, u shpreh Kocaqi.