Elon Musk nuk është adhurues i punës në distancë. Në orët e para të së mërkurës, Musk komentoi një email të postuar në Twitter ku kompania Tesla u kërkonte punonjësve që donin të punonin nga shtëpia, të largoheshin fare.

Megjithëse Musk nuk e konfirmoi vërtetësinë e emailit dhe as nuk e mohoi, shkruajti: Le të gjejnë një vend tjetër pune ku pretendohet se punohet.

Edhe më herët ka shprehur gati neverinë e tij për punonjësit amerikanë që përpiqen të shmangin zyrën.

Muajin e kaluar në nëj tjetër Twitter shkruante: “Covid i mashtroi njerëzit duke I bërë të besojnë se nuk është e nevojshme të punojnë shumë”.

Tre ekonomistë janë pyetur nga mediat e huaja dhe thonë se puna në distancë gjatë pandemisë nuk e dëmtoi produktivitetin e punonjësve.

“Shumica e provave tregojnë se produktiviteti rritet teksa njerëzit qëndrojnë në shtëpi”, tha Dr. Natacha Postel-Vinay.

“Njerëzit shpenzonin më pak kohë duke udhëtuar, kështu që mund të përdornin një pjesë të asaj kohe për të punuar, dhe gjithashtu mund të kalonin më shumë kohë me familjen e tyre. Flinin më shumë orë gjumë që do të thoshte se ishin më të lumtur dhe kështu ishin më produktivë”, shtoi ajo.

Prof. Albrecht Ritschl, një profesor i historisë ekonomike, tha gjithashtu se ndërprerja e udhëtimit ishte një bonus për produktivitetin e punëtorëve dhe shtoi se puna nga shtëpia çoi në më pak orë të shpenzuara në ‘takime të kota’.

“Koha e kaluar në zyrë nuk është e njëjta gjë si të punosh më shumë”, tha Ritschl.

Dr. Almarina Gramozi, një pedagoge e ekonomisë në King’s College në Londër (që për nga mbiemri duket se është shqiptare), tha se anketat më të mëdha të punëtorëve në SHBA dhe MB zbuluan se punonjësit ishin të paktën po aq produktivë në shtëpi sa në zyrë.

Të tre ekspertët thanë se produktiviteti u ul herë pas here në disa raste, por jo sepse njerëzit po i shmangeshin punës.

“Njerëzit me fëmijë në shtëpi gjatë pandemisë shpesh duhej të ndanin vëmendjen mes punës dhe kujdesit për fëmijët, duke çuar në një ulje të produktivitetit”, thanë Postel-Vinay dhe Ritschl.

Gramozi gjithashtu shtoi se produktiviteti nuk varet vetëm nga punonjësit individualë.

“Nivelet e produktivitetit varen në mënyrë thelbësore nga mbështetja që ofrojnë punëdhënësit, adoptimi i teknologjisë dhe nga lloji i punës që do ta lejonte atë të kryhet lehtësisht nga distanca”, tha ajo për Insider.