Ish-kryeministri Sali Berisha ka folur për procesin e zgjedhjeve në PD për anëtarët e Keshillit Kombëtar të kësaj force politike.

Berisha theksoi se këto zgjedhje rikthyen votën e lirë në PD. Ai pranoi se figura të shquara mbetën jashtë, por sipas tij ky ishte vetëm rezultat i votës së lirë ndërs u bëri thirrje të gjithë atyre që kishin kundërshti të kërkonin zyrtarisht rinumërim të votave.

Berisha tha se në një proces të tillë është e pamundur të mos ketë hatërmbetje dhe zemërthyerje.

“Pra jo vetëm u rikthye vota e lirë në këtë forcë politike por u arkivua në harresë ajo që quhet kryetaro – kraci apo presidencokraci. Unë mund t’ju them juve se ne këtë proces janë zgjedhur kandidatët më të mirë, janë votuar përfqësues të shkëlqyer të demokratëve dhe demokrateve. Dhe si kurrë ndonjëherë më parë në historinë e kësaj force apo ndonjë force tjetër politike, në 8 degë të PD-së nga Saranda në Mat kanë fituar në garë 8 zonja të nderuara, duke garuar me rivalët e tyre.

Ne rast se kthehemi bashkë në fillimet e këtij revolucioni në mënyrë të përsëritur ju do të gjeni zotimin tonë se çdo njeri do ketë të drejtë të verifikojë votën e tij.

Tre ditë më parë midis 430 kandidaturave u votuan 150 prej tyre dhe u zgjodhyën anëtaë të Këshillit Kombëtar. Risia ishte e madhe. Isht një hap I madh IiPD-së drejt konstituencave që normalisht janë të saja. Ne këto zgjedhje të Këshillit Kombëtar për herë të parë gratë dhe të rinjtë janë mbi 50% e këtij Këshilli.

Të dashur miq, nga 430 kandidatura u zgjodhën 150. U zgjodhën më të mirët nga më të mirët pa ju garantoj se mbetën edhe shumë të tjerë më të mirë ndër më të mirët pa hyrë në Këshillin e PD. Për vlerat që mbajnë mbeten padyshim bashkëpunëtorë të çmuar, aktivistë të çmuar, personalitete të shquara të PD-së pavarësisht mosvotimit për të qenë anëtarë të
Këshillit Kombëtr.

Natyrisht është e pashmangshme që në një votim të tillë të mos ketë hatërmbetje dhe zemërthyerje. U them çndonjërit prej tyre në mënyrën më miqësore, qoftë edhe dyshimin më të vogël të kenë të nderojnë veten dhe PD-në duke kërkuar rinumërimin votë për votë.

Komisioni i numërimit të votave është i vendosur të plotësojë çdo kërkesë të kësaj natyre. Nuk mund të refuzohet.

Nëse dikur me keqardhjen më të madhe e them, delegatët votonin dhe votat manipuloheshin, kjo praktikë mer fund një herë e përgjithmonë. Çdo votë është numëruar para kamerave tuaja. Ky proces është transmetuar live në rrjetet sociale por dhe televizive, por përveç arkivës dixhitale të votës ekzistojnë edhe fletët e votimit dhe kush dëshiron do ketë të drejtë t’i kontrollojë dhe rinumërojë.”- tha Berisha.