Lori Hoxha ka qenë e ftuara e parë e emisionit “Më lër të flas” nën drejtimin e Donald dhe Romeo Veshaj, ku ka folur ndër të tjera edhe për rrugëtimin e ri në postin drejtues të Top Channel

“Vazhdon të jetë një privilegj shumë i madh. Është një punë me të cilën unë jam mësuar tani, nuk është rastësi. Unë kam gjithë jetën që përgatitem për këtë gjë. Është një kënaqësi shumë e madhe, kështu që e dua shumë”, tha ajo.

Në lidhje me vizionin për Top Channel, Lori u shpreh: “Vizioni im për Top Channel nuk ka shumë hapësirë për t’u rindërtuar. Unë jam rritur me vizionin për Top Channel që e vogël dhe është shumë i njëjtë me atë të babit tim.

Dua të jetë i drejtë, të jetë i të gjithëve, të jetë gjithëpërfshirës, të ketë mundësi të argëtojë, të frymëzojë, të edukojë. Vizioni im nuk do të ndryshojë sidoqoftë. E kam shumë të injektuar brenda vetes. Vetëm mund t’i jap ndonjë përditësim të vogël, por nuk dua ta ndryshoj. Ai është i përcaktuar që më parë”.