Kush fshihet pas peticionit kundër Yuri Kim?

Aktivistja dhe anëtarja e Komisionit të Rithemelimit Evi Kokalari ka hedhur poshtë të gjithë zërat se pas peticionit kundër Yuri Kim fshihet ish kryeministri Sali Berisha.

Në një postim në rrjetin social Facebook, ajo shkruan se Berisha nuk funksionon në këto forma, ndërsa shton se ata që e akuzojnë duhet të zgjohen dhe të tremben nga varferia e popullit.

“Kush do që thotë se opozita (apo komisioni i rithemelimit) është pas peticionit të Yuri Kim, GENJEN.

Komisioni është shumë serioz për të marrë hapa të tille, dhe unë personalisht nuk do ta kisha lejuar për shumë arsye.

Edhe Sali Berisha nuk fuksionon me këto forma, dua të them po t’i thotë mendja diçka, ta bën në fytyrë, nuk fshihet.

Ata që akuzojnë bëjnë mirë të zgjohen se kanë probleme shumë më të mëdha seç e mendojnë; p.sh. popullit i ka ardhur në maje të hundës. Atyre trëmbjuni dhe trëmbuni mirë se nga ata s’ka ambasador t’ju mbroje”, shkruan Kokalari.