Si arritën deri në gjyq? Shpjegimi për marrëdhënien e Johnny Depp dhe Amber Heard

Johnny Depp dhe Amber Heard po përballen në një gjyq të nivelit të lartë, i cili po ndiqet nga miliona njerëz anembanë botës. Johnny Depp ka paditur Amber Heard për një ese që ajo shkroi në vitin 2018 për Washingon Post ku e përshkroi veten si “figurë publike që përfaqëson abuzimin në familje”. Depp nuk përmendet, por pretendon se eseja e përfshin atë duke iu referuar akuzave të kaluara të Heard. Por si përfundoi këtu çifti i dikurshëm? Le t’i hedhim një vështrim të kaluarës së Depp dhe Heard.

2009: Johnny Depp dhe Amber Heard takohen në xhirimet e “The Rum Diary”

Depp dhe Heard u takuan në xhirimet e filmit, ku ata luajtën bashkë në përshtatjen e librit me të njëjtin emër nga Hunter S. Thompson.

2012: Depp dhe Heard lidhen

Ata u lidhën rreth vitit 2012, pasi Depp i dha fund lidhjes 14-vjeçare me Vanessa Paradis, me të cilën ka dy fëmijë. Në një dosje gjyqësore nga Heard u deklarua se marrëdhënia e tyre filloi rreth fundit të viteve 2011-2012.

2013: Amber Heard pretendon se u sulmua për herë të parë

Në vitin 2013, çifti u grind dhe Heard pretendon se Depp e goditi për herë të parë. Sipas Heard, incidenti ndodhi pasi ajo u tall me tatuazhin e Depp-it ku shkruhej “Wino Forever”. Tatuazhi është një version i ndryshuar i “Winona Forever”, një kujtim i marrëdhënies së Depp me aktoren Winona Ryder. Depp e mohoi incidentin duke thënë: “Nuk ndodhi. Pse do të fyhesha kaq shumë ndaj dikujt që tallej me një tatuazh në trupin tim? Ky pretendim nuk pati kurrë kuptim për mua.”

2014: Të dy u fejuan

2014: Amber Heard pretendon se ka ndodhur një sulm në një avion privat

Heard pretendon se Depp e sulmoi në vitin 2014 në një avion privat që fluturonte nga Boston në Los Angeles. Heard thotë se Depp ishte i dehur. Depp e mohoi incidentin dhe tha se kishte pirë dy tableta dhe kishte pirë një gotë shampanjë para fluturimit.

2015: Martohen

Aktorët u martuan në një ceremoni private në shtëpinë e tyre në Los Anxhelos, e cila u raportua nga People.

2015: Depp pretendon se iu pre gishti gjatë një debati

Depp pretendon se teksa ishin në Australi, Heard u tërbua pasi avokatët e tij i kërkonin asaj të nënshkruante një kontratë paramartesore. Gjatë debatit, Depp thotë se fundi i gishtit të mesit iu pre kur Heard i hodhi një shishe vodka. Ai pretendon se gënjeu për incidentin në atë kohë për të mbrojtur Heard.

2016: Jashtëqitja në shtrat

Në gjykatë, Johnny Depp pretendon se Amber Heard vendosi jashtëqitje njeriu në anën e tij të shtratit të tyre të përbashkët. Aktori thotë se Heard këmbëngulte se incidenti kishte ndodhur nga qentë. Depp pretendon se Amber Heard u telefonoi miqve duke bërtitur “Mos më godit, Johnny!”, por sipas tij, askush nuk ishte pranë saj.

2016: Amber Heard pretendon se është abuzuar

Heard bëri kërkesë për divorc në vitin 2016 duke pretenduar se ai kishte abuzuar fizikisht me të, zakonisht nën ndikimin e drogës dhe alkoolit. Heard përmendi në mënyrë specifike një ngjarje në të cilën ajo pësoi një mavijosje në fytyrë pasi Depp e goditi me telefon. Ky incident u hetua nga policia e Los Angeles dhe një zëdhënës tha se nuk kishte ndodhur asnjë krim. Përfaqësuesit e Depp thanë se Heard “po përpiqej të siguronte një zgjidhje të parakohshme financiare duke pretenduar abuzim”.

2017: Marrëveshja e divorcit prej 7 milionë dollarë

Ish-çifti lëshoi një deklaratë të përbashkët, duke thënë: “Marrëdhënia jonë ishte shumë pasionante dhe ndonjëherë e paqëndrueshme, por gjithmonë e lidhur nga dashuria. Asnjëra palë nuk ka bërë akuza të rreme për përfitime financiare. Nuk ka pasur kurrë ndonjë qëllim për dëmtim fizik apo emocional.” Heard pretendoi se ajo i dhuroi 7 milionë dollarë për bamirësi.

2017: Finalizohet divorci

Sipas The Hollywood Reporter, të dyja palët nënshkruan një klauzolë që i pengonte ata të flisnin keq për procesin e martesës ose divorcit.

2018: Amber Heard shkruan esenë për Washington Post

Në ese, Heard e përshkroi veten si viktimë e abuzimit në familje. “Unë u bëra një figurë publike që përfaqësonte abuzimin në familje dhe ndjeva forcën e zemërimit të kulturës sonë për gratë që flasin hapur,” shkroi ajo.

2019: Depp ngre padi për shpifje kundër Heard

Padia e Depp u ngrit në vitin 2019 dhe pretendon se Heard po i sajon akuzat për të gjeneruar “publicitet pozitiv”. Padia gjithashtu e quan Heard një “autore” të abuzimit në familje.

2020: Shfaqen regjistrime ku Heard pranon që ka sulmuar Depp

Në vitin 2020, Daily Mail publikoi regjistrime në të cilat Heard pranoi se e kishte goditur Depp dhe të dy diskutonin për dhunën në marrëdhënie. “Më vjen keq që nuk…të godita në fytyrë me shuplakë, por po të godita, nuk po të gjuaja me grusht. Zemër, nuk je grushtuar,” tha Heard. “Nuk e di cila ishte lëvizja e dorës sime, por je mirë, nuk të lëndova, nuk të godita me grusht, po të gjuaja me shpullë”.

Depp përgjigjet: “U largova mbrëmë. Sinqerisht, të betohem sepse thjesht nuk mund ta pranoja idenë e më shumë dhune fizike, më shumë abuzim fizik mbi njëri-tjetrin. Sepse po ta kishim vazhduar, do të ishte bërë keq. Dhe zemër, të thashë këtë një herë. Jam i frikësuar për vdekje që ne jemi një skenë krimi për momentin.”

Më pas Amber thotë: “Nuk mund të të premtoj se nuk do të përleshem më fizikisht. Zot, ndonjëherë mërzitem aq shumë sa e humb.”

Korrik – nëntor 2020: News Group Newspapers vs Johnny Depp

Një gjyq tre-javor për shpifje u zhvillua në Mbretërinë e Bashkuar, në të cilin Depp pretendoi shpifje nga gazeta The Sun, e cila e quajti atë si burrë që kishte dhunuar gruan në lidhje me martesën me Heard. Depp ngriti padi kundër Dan Wootton, i cili është redaktor ekzekutiv i gazetave The Sun dhe News Group Newspapers. Pas tre javës, gjykatësi vendosi se përshkrimi i ngjarjeve nga wootton kishte qenë i saktë.

Nëntor 2020: Johnny Depp largohet nga “Fantastic Beasts”

Aktori tha në një deklaratë të shkruar në Instagram: “Dëshiroj t’ju bëj të ditur se më është kërkuar të jap dorëheqjen nga Warner Bros nga roli im si Grindelwald në ‘Fantastic Beasts’ dhe unë e respektoj dhe rënë dakord me këtë kërkesë. Dua ta them se vendimi surreal i gjykatës në Mbretërinë e Bashkuar nuk do të ndryshojë luftën time për të thënë të vërtetën dhe konfirmoj se kam në plan ta apeloj.”

Prill 2020: Gjyqi në Virginia, SHBA

Depp i tha gjykatës se ai ka vuajtur për gjashtë vjet për shkak të veprimeve të Heard dhe karriera e tij është dëmtuar. Në përgjigjet e gjata, aktori mohoi kategorikisht të ketë goditur Heard dhe ia atribuoi mesazhet vulgare me tekst që i dërgonte asaj stilit verbal që e kishte marrë nga shkrimtari i ndjerë Hunter S. Thompson.