Ish kryeministri Sali Berisha ka refuzuar dietat e derdhura në llogarinë e tij bankare nga Parlamenti për muajin shkurt.

Në një postim në Facebook, Berisha shkruan se nuk ka qenë në dijeni të kësaj shume dhe e ka mësuar nga media se Parlamenti i ka derdhur 75250 leke dieta për muajin shkurt.

Ai ka kërkuar që të tërhiqen këto para nga llogaria e tij dhe se lëvizjet jashtë Tiranës deklaron se do t’i përballojë me të ardhurat e veta.

“Sot nga mediat mesova se ne llogarine time bankare parlamenti ka derdhur per muajin shkurt dieta per mua si dhe per 93 deputete te tjere shumen prej 75250 leke dieta.

Lidhur me sa me siper deklaroj sa vijon:

1-Une nuk kam patur asnje dijeni per keto dieta.

2- I kerkoj parlamentit t’i terheqi ato nga llogaria ime bankare ku i ka derdhur.

3-Une jam deputet i Qarkut te Tiranes dhe si i tille nuk do pranoj asnje diete deri ne fund te mandatit.

Levizjet e mia jashte Qarkut te Tirane do t’i perballoj me te ardhurat e mia”, shkruan Berisha.